09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
Փաշինյանը չի ուզում խաղաղության փաստաթուղթ ստորագրել. նրա հիմնական քաղաքական ռեսուրսը պատերազմով վախեցնելն է․ Արմեն Բաղդասարյան․ ՏԵՍԱՆՅՈՒԹ
Քաղաքականություն
09.07.2025 | 20:30
Խաղաղությունը ո՛չ Ալիևին է պետք, ո՛չ Փաշինյանին, չեմ կարծում՝ վաղվա հանդիպմանը փաստաթուղթ կստորագրվի։ Factor TV-ի հետ զրույցում նման կարծիք է հայտնում քաղաքական վերլուծաբան Արմեն Բաղդասարյանը՝ անդրադառնալով հուլիսի 10-ին Աբու Դաբիում նախանշված Նիկոլ Փաշինյան-Իլհամ Ալիև հանդիպմանը, որի մասին այսօր հայտնել է ՀՀ վարչապետի խոսնակը։
Ըստ Բաղդասարյանի՝ ՀՀ իշխանություններին խաղաղության պայմանագիր պետք չէ, Փաշինյանը չի ուզում խաղաղության փաստաթուղթ ստորագրել, քանի որ նրա հիմնական քաղաքական ռեսուրսը հանրությանը պատերազմով վախեցնելն է։
Արմեն Բաղդասարյանն անդրադարձել է նաև ընդդիմադիր «Հայաստան» խմբակցության պատգամավորներին անձեռնմխելիությունից զրկելու, գործարար Սամվել Կարապետյանին, հոգևորականներին կալանավորելուն, Հայ առաքելական եկեղեցու շուրջ ծավալվող իրադարձություններին։
Հարցազրույցն ամբողջությամբ՝ տեսանյութում։
Թամարա Հակոբյան
