23.05.2026 | 14:02
ՊՆ-ն փոխե՞լ է Զինված ուժերի զինանշանը․ զորահանդեսի ցուցապաստառին այլ զինանշան է
24 անձ է տուժել Աղդամ-Ֆիզուլի ճանապարհին տեղի ունեցած խոշոր ավտոպատահարի հետևանքով
Քաղաքականություն
09.07.2025 | 13:18
Աղդամ-Ֆիզուլի մայրուղու 22-րդ կիլոմետրին տեղի է ունեցել ճանապարհատրանսպորտային պատահար։ Լրատվամիջոցներին Ադրբեջանի ՆԳՆ-ից հայտնել են, որ հուլիսի 9-ին ժամը 08:00-ի սահմաններում շրջվել է Ford մակնիշի ուղևորատար միկրոավտոբուսը, որի սրահում եղել է Բախարլի գյուղի 20 բնակիչ։ Նրանք ստացել են տարբեր աստիճանի մարմնական վնասվածքներ։ Տուժածներին ցուցաբերվել է անհրաժեշտ բժշկական օգնություն։
Ադրբեջանական լրատվամիջոցներն ավելի ուշ հայտնել են, որ վթարի հետևանքով տուժել է 24 մարդ։ Վիրավորներին տեղափոխել են Աղդամի և Բարդայի հիվանդանոցներ։
Տեղեկատվության համաձայն՝ տարբեր տեսակի վնասվածքներ ստացած անձանցից 21-ը հոսպիտալացվել են Աղդամի շրջանային կենտրոնական հիվանդանոց, իսկ 3-ը՝ Բարդայի կենտրոնական շրջանային հիվանդանոցի համապատասխան բաժանմունքներ։
Դեպքի առթիվ կատարվում է քննություն։
Հիշեցնենք, որ նախօրեին էլ Քարվաճառում ադրբեջանցի զինծառայողներով մեքենա էր վթարի ենթարկվել։
Թարգմանությունը՝ Էմմա Չոբանյանի
