Արծվիկ Մինասյանին մեղադրանք է առաջադրվել. խափանման միջոց է ընտրվել բացակայելու արգելքը

Լուրեր

22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
Բոլորը

Արծվիկ Մինասյանին մեղադրանք է ներկայացվել ՀՀ Քրեական օրենսգրքի 441-րդ հոդվածի 2-րդ մասի 5-րդ կետով, այն է` պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը: Այս մասին Factor.am-ի հարցին ի պատասխան ասաց ՔԿ մամուլի քարտուղար Կիմա Ավդալյանը:

Մինասյանի նկատմամբ որպես խափանման միջոց է կիրառվել բացակայելու արգելքը: Նշենք, որ Արծվիկ Մինասյանը, քիչ առաջ դուրս գալով Քննչական կոմիտեից, ասաց, որ հրաժարվել է ցուցմունք տալ, քանի որ սա «քաղաքական հետապնդման դասական օրինակ է` իրավական տեսակետից զուրկ»: Նա նաև նշեց, որ չի ընդունում իրեն առաջադրված մեղադրանքը, դիմելու է միջազգային ատյաններ, և «դատախազի գլխավորությամբ բոլորը ներողություն են խնդրելու»:

Հիշեցնենք, որ ԱԺ-ն երեկ գաղտնի քվեարկությամբ համաձայնություն էր տվել «Հայաստան» խմբակցության ղեկավար Սեյրան Օհանյանի և խմբակցության քարտուղար Արծվիկ Մինասյանի նկատմամբ քրեական հետապնդում հարուցելու դատախազի միջնորդագրերին։

Նշենք, որ Սեյրան Օհանյանին վերաբերող միջնորդագրի համաձայն՝ նա տարբեր տարիների ներկայացրած հայտարարագրում թաքցրել է իրեն պատկանող գույքը, մասնավորապես Դրախտիկ համայնքում գտնվող հողատարածքը և դրա վրա ինքնակամ կառուցված առանձնատունը։ Արծվիկ Մինասյանին վերաբերող միջնորդագրի համաձայն՝ նույն գործով նա չարաշահել է իր իշխանական կամ ծառայողական լիազորությունները։

Սեյրան Օհանյանին մեղադրանք է առաջադրվել միանգամից մի քանի հոդվածներով, նա ևս չի ընդունում առաջադրված մեղադրանքը և հրաժարվել է ցուցմունք տալ` պայմանավորված առողջական վիճակով: Օհանյանը լրագրողների հետ զրույցում ասաց, որ բուժհաստատությունից են հրավիրել հարցաքննության: Սեյրան Օհանյանի նկատմամբ որպես խափանման միջոց է կիրառվել բացակայելու արգելքը:

Արփի Հակոբյան