Եվրոպայի ամենամեծ նավահանգիստը պատրաստվում է ՌԴ-ի հետ հնարավոր պատերազմին․ FT

Լուրեր

22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
Բոլորը

Եվրոպայի ամենամեծ նավահանգիստը՝ Նիդերլանդների Ռոտերդամը, սկսում է իր ենթակառուցվածքները նախապատրաստել Ռուսաստանի հետ ռազմական հակամարտության։ Մասնավորապես, նավահանգիստը տարածք է ազատում ՆԱՏՕ-ի ռազմական նավերի մատակարարման  համար, նաև կազմում է պատերազմական իրավիճակում ապրանքների մատակարարման ծրագիր: Այս մասին հայտնել է բրիտանական Financial Times-ը (FT), որին վկայակոչում է DW-ի ռուսական ծառայությունը։

Ռոտերդամի նավահանգստի տնօրեն Բուդեվեյն Սիմոնսը FT-ին ասել է, որ ներկայում քննարկում է Անտվերպենի հարևան նավահանգստի հետ արտակարգ իրավիճակների պլան՝ Մեծ Բրիտանիայից, ԱՄՆ-ից և Կանադայից նավերի ժամանման, ինչպես նաև այդ երկրներից բեռների հետ գործ ունենալու համար:

«Ոչ բոլոր տերմինալներն են հարմար ռազմական բեռների ընդունման համար»,- ասել է Սիմոնսը։

Նրա խոսքով՝ եթե ռազմական բեռների մեծ ծավալներ ժամանեն, նավահանգիստը նախատեսում է դիմել Անտվերպենի և այլ նավահանգիստների՝ բեռի մի մասը ստանձնելու համար։

Ներկայում Անտվերպենի նավահանգիստը, որը Եվրոպայի երկրորդ խոշորագույնն է, պարբերաբար ընդունում է նավեր, որոնք մատակարարումներ են տեղափոխում Եվրոպայում տեղակայված ԱՄՆ զորքերի համար։

Ռոտերդամի նավահանգստի կողմից ձեռնարկվող միջոցառումները Մոսկվայի հետ հակամարտության դեպքում ամբողջ Եվրոպայում իրականացվող նախապատրաստական ​​աշխատանքների մաս են կազմում: Նշվում է, որ Եվրամիությունը նախատեսում է մինչև 800 միլիարդ եվրո հատկացնել վերազինման համար և ավելի քիչ կախված լինել ԱՄՆ պաշտպանական օգնությունից։

Նիդերլանդները, ինչպես ՆԱՏՕ-ի մյուս երկրները, մտադիր է պաշտպանության ծախսերը հասցնել մինչև ՀՆԱ-ի 5%-ի։ Մայիսին թագավորության վարչապետ Դիկ Շոֆը հայտարարել էր, որ Ռոտերդամի նավահանգիստը պետք է տարածք տրամադրի՝ ՆԱՏՕ-ի դիմումով ռազմական փոխադրումներ իրականացնող տարբեր նավերի համար։

Ըստ FT-ի՝ Ռոտերդամի կոնտեյներային տերմինալը միակ վայրն է, որտեղ զինամթերքը կարող է անվտանգ կերպով տեղափոխվել մեկ նավից մյուսը։ Լրատվամիջոցը նշում է, որ նավահանգիստում նախատեսվում է տարեկան մի քանի անգամ անցկացնել զորավարժություններ։

Ռոտերդամի նավահանգիստը տարեկան մշակում է շուրջ 436 միլիոն տոննա բեռ՝ ընդունելով Գերմանիայից ու այլ եվրոպական երկրներից 28,000 նավ՝ ծովում, 91,000՝ գետում։ Այն նաև ծառայում է որպես ռազմավարական նավթային պաշարների պահեստ։ FT-ին տված հարցազրույցում Բոուդվին Սիմոնսը ենթադրություն է հայտնել, որ այս փորձը կարող է ընդլայնվել այլ կարևորագույն ռեսուրսների, այդ թվում՝ պղնձի, լիթիումի և գրաֆիտի վրա։ Այն նաև օգտագործվում է որպես ռազմավարական նավթային պաշարների պահեստ։

Թարգմանությունը՝ Էմմա Չոբանյանի