16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Ադրբեջանի մշակույթի նախարարությունը հայտարարել է, որ Բաքուն ՌԴ-ի հետ համագործակցությունը խթանելու նախաձեռնություն չի ներկայացրել
Քաղաքականություն
07.07.2025 | 23:06
Ադրբեջանը որևէ նախաձեռնություն չի ներկայացրել Ռուսաստանի Դաշնության հետ մշակութային ոլորտում երկկողմ համագործակցությունը խթանելու համար։ Ադրբեջանական լրատվամիջոցների հաղորդմամբ՝ այս մասին հայտնել են Ադրբեջանի մշակույթի նախարարությունից։
Նշվում է, որ վերջին օրերին որոշ տեղեկատվական ռեսուրսներում և սոցիալական հարթակներում տարածվում է կեղծ փաստաթուղթ՝ Ադրբեջանի մշակույթի նախարարության կողմից Ռուսաստանի հետ մշակույթի ոլորտում համագործակցությունը խթանելու ենթադրյալ նախաձեռնության մասին։
«Այս կեղծ փաստաթուղթը որևէ կապ չունի մշակույթի նախարարության հետ։ Նախարարությունը նման փաստաթուղթ չի պատրաստել կամ տարածել»,- ասվում է հաղորդագրության մեջ։
Հիշեցնենք, որ Ադրբեջանի և Ռուսաստանի հարաբերությունները վերջին օրերին սրվել են՝ այն բանից հետո, երբ հունիսի 27-ին Եկատերինբուրգում ձերբակալվել էին ադրբեջանական ծագում ունեցող ավելի քան 50 անձինք։ Ձերբակալության ընթացքում մահացել է առնվազն երկու մարդ՝ Ադրբեջանի 60-ամյա քաղաքացի Հուսեյն Սաֆարովը և նրա եղբայրը՝ 55-ամյա Զիյադդինը։
Բաքուն պահանջում է պատասխանատվության ենթարկել մեղավորներին, իսկ Ադրբեջանի արտաքին գործերի նախարարությունը «խիստ բողոք» է հայտնել Ռուսաստանի դեսպանին։ Ի պատասխան՝ Բաքուն իր տարածքում ՌԴ քաղաքացիների ձերբակալություններ է իրականացրել։ Ադրբեջանի գլխավոր դատախազությունը քրեական գործ է հարուցել Ռուսաստանի անվտանգության ուժերի կողմից ադրբեջանցիների խոշտանգումների և սպանության փաստով։
Բացի այդ, Ադրբեջանում չեղարկվել են ՌԴ-ի կողմից ծրագրված բոլոր մշակութային միջոցառումները։
Թարգմանությունը՝ Էմմա Չոբանյանի
