29.04.2026 | 19:50
«Ուժեղ Հայաստան» դաշինքը և «ՀայաՔվե» միավորումը ստորագրել են համագործակցության հուշագիր
ՌԴ հարվածները Դոնեցկի և Խերսոնի շրջանների վրա․ կան զոհեր և վիրավորներ
Քաղաքականություն
06.07.2025 | 16:47
Ուկրաինայի իշխանությունների տվյալներով՝ ռուսական զորքերը հարվածներ են հասցրել բնակելի թաղամասերին, սոցիալական և կարևոր ենթակառուցվածքների օբյեկտներին մի շարք շրջաններում։ Դոնեցկի և Խերսոնի շրջաններում վերջին մեկ օրվա ընթացքում ռուսական հրետակոծությունների հետևանքով առնվազն հինգ խաղաղ բնակիչ է զոհվել, ևս տասը՝ վիրավորվել, հայտնում են Euronews-ից։
Դոնեցկի շրջանում երեք մարդ զոհվել է Անդրեևկա, Նովոգրիգորևկա և Միռնոգրադ բնակավայրերում, 6-ը վիրավորվել են։ Ռովնոյում ևս մեկ մարդ է վիրավորվել։ Խերսոնի շրջանում զոհվել է երկու մարդ, երեքը վիրավորվել են։
Ռուսական բանակը հարվածել է բնակելի թաղամասերին, սոցիալական և կարևոր ենթակառուցվածքներին։ Վնասվել է վեց տուն և հինգ բազմաբնակարան շենք, ինչպես նաև ավտալցակայան և ավտոտնակ, որի հետևանքով մի քանի մեքենա է վնասվել։
Ուկրաինայի օդային ուժերի տվյալներով՝ շաբաթ և կիրակի գիշերը և առավոտյան Ռուսասատանը հարձակվել է Ուկրաինայի վրա 157 անօդաչու սարքով և С-300 տեսակի չորս հրթիռով։ ՀՕՊ ուժերը ոչնչացրել են 117 անօդաչու սարք։
Հարվածային անօդաչուները գրանցվել են 19 վայրերում, իսկ խոցվածների անկումը՝ ևս երկու վայրերում։ Հարվածների տակ են եղել Խարկովի, Զապորոժիեի, Կիևի և Խերսոնի շրջանները։ Գոյություն ունեն վիրավորներ, սակայն զոհեր չեն եղել։ Ռուսական հեռահար հարվածները շարունակվում են՝ Մոսկվան ձգտում է գրավել Ուկրաինայի նոր տարածքներ՝ վարելով անընդհատ ռմբակոծման արշավ։
Անցած շաբաթ Ռուսաստանը նախաձեռնել է պատերազմի ընթացքում ամենամեծ օդային հարձակումը։ Ուկրաինայի օդուժի ներկայացուցիչների խոսքով՝ մեկ գիշերվա ընթացքում Ռուսաստանի կողմից Ուկրաինայի տարածքի վրա արձակվել է շուրջ 550 անօդաչու սարք և հրթիռ։
Ուկրաինայի մայրաքաղաք Կիևի վրա կատարված հարձակումը դարձել է պատերազմից ի վեր ամենազորեղը։ Ուրբաթ օրը Կիևի վրա հարվածների ալիքը՝ անօդաչուներով և հրթիռներով, մեծ ավերածությունների պատճառ է դարձել։
