Ստամբուլի բանտարկված ընդդիմադիր քաղաքապետին նոր մեղադրանք է առաջադրվել․ նրան ավելի քան 8 տարվա ազատազրկում է սպառնում

Լուրեր

22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
Բոլորը

Թուրքիայում նոր մեղադրանք են առաջադրել Ստամբուլի բանտարկված քաղաքապետ Էքրեմ Իմամօղլուին՝ նրան մեղադրելով ավելի քան երեք տասնամյակ առաջ իր համալսարանական դիպլոմը կեղծելու մեջ։ Այս մասին հաղորդում է պետական ​​Անադոլու լրատվական գործակալությունը, որին վկայակոչում է Turkish Minute-ը։

Մեղադրողները պահանջում են մինչև 8 տարի 9 ամիս ժամկետով ազատազրկում, ինչպես նաև քաղաքական արգելք, որը կխանգարի նրան զբաղեցնել պետական ​​պաշտոններ։

Գլխավոր ընդդիմադիր Ժողովրդահանրապետական կուսակցության (CHP) նախագահի թեկնածու Իմամօղլուն ներկայում բանտում է՝ կոռուպցիայի մեղադրանքով, որը լայնորեն համարվում է քաղաքական դրդապատճառներով։ Նա ձերբակալվել է մարտի 19-ին՝ Ստամբուլի համալսարանի կողմից նրա դիպլոմը չեղյալ հայտարարելուց մեկ օր անց, և ավելի ուշ կալանավորվել, ինչը լայնածավալ բողոք է առաջացրել նրա կողմնակիցների շրջանում։

Քաղաքապետի դեմ վերջին մեղադրանքը կենտրոնացած է Իմամօղլուի կողմից Ստամբուլի համալսարանի բիզնեսի կառավարման ֆակուլտետից ստացած դիպլոմի վրա, որը տեղի է ունեցել Կիպրոսի հյուսիսում գտնվող Գիրնեի ամերիկյան համալսարանից տեղափոխվելուց հետո: Ստամբուլի գլխավոր դատախազությունը պնդում է, որ տեղափոխումը խարդախություն է եղել, և արդյունքում ստացված դիպլոմը անվավեր է։ Մարտի 18-ին համալսարանը հայտարարել էր, որ չեղյալ է հայտարարել Իմամօղլուի դիպլոմը, ինչպես նաև 28 այլ ուսանողների դիպլոմները՝ հղում անելով «ակնհայտ սխալին»: Նույն օրը համալսարանը ջնջել է նրա ակադեմիական գրառումներն իր համակարգից:

Իմամօղլուի փաստաբան Մեհմեթ Փեհլիվանը, որը նույնպես ներկայում բանտում է, մայիսի 6-ին հայտարարել էր, որ իրենք դատական ​​​​հայց են ներկայացրել՝ բողոքարկելով դիպլոմի չեղարկումը: Իրավաբանական թիմի տվյալներով՝ չեղարկման մասին պաշտոնական ծանուցումը չի ստացվել որոշումից 55 օր անց։

Իմամօղլուն 2022 թվականին դատապարտվել է գրեթե երեք տարվա ազատազրկման և քաղաքական գործունեության արգելքի՝ Թուրքիայի Գերագույն ընտրական խորհրդի անդամներին, ենթադրաբար, «վիրավորելու» համար։ Դատավճիռը նա բողոքարկել է։

CHP-ի նկատմամբ շարունակվող ճնշումները, որոնք հանգեցրել են կուսակցությունից բազմաթիվ քաղաքապետերի ձերբակալության և պաշտոնանկության, ինչպես նաև Ստամբուլում և այլուր տասնյակ քաղաքային պաշտոնյաների ձերբակալության, շատերի կողմից դիտվում են որպես երկրի նախագահ Ռեջեփ Թայիփ  Էրդողանի փորձ՝ վարկաբեկելու կուսակցությունը և ասպարեզից հեռացնելու Իմամօղլուին որպես իր ամենաուժեղ քաղաքական մրցակցի։

Թարգմանությունը՝ Էմմա Չոբանյանի