21.02.2026 | 20:00
Ինչպես է Հայաստանն առաջին անգամ ստացել UWW-ի մրցաշար անցկացնելու հնարավորություն․ զրույց Վլադիմիր Հովհաննիսյանի հետ
Ուկրաինայի ԳՇ-ն հայտնել է Սերգիև Պոսադին հարված հասցնելու մասին․ ավելի քան 42,000 մարդ մնացել է առանց էլեկտրականության
Քաղաքականություն
04.07.2025 | 20:10
Ուկրաինայի ԶՈՒ Գլխավոր շտաբը հայտարարել է Մոսկվայի մարզի Սերգիև Պոսադին հարված հասցնելու մասին, փոխանցում է BBC-ի ռուսական ծառայությունը։
«Հուլիսի 4-ին Ուկրաինայի զինված ուժերի անօդաչու համակարգերի ուժերի ստորաբաժանումները, համագործակցելով Պաշտպանության ուժերի այլ ստորաբաժանումների հետ, հարված են հասցրել «Կիրառական քիմիայի հետազոտական ինստիտուտ» ԲԲԸ-ին (Սերգև Պոսադ, Ռուսաստանի Դաշնության Մոսկվայի մարզ)»,- ասվում է Ուկրաինայի գլխավոր շտաբի հայտարարության մեջ։
Նշվում է, որ «ներկայում ձեռնարկությունը զբաղվում է, մասնավորապես, «Շահեդ» տիպի անօդաչու թռչող սարքերի համար ջերմաբարիկ մարտագլխիկների արտադրությամբ»։
«Մեր մեթոդներով հաստատվել է թիրախի անմիջական ոչնչացումը: Հրդեհ և խիտ ծուխ են գրանցվել օբյեկտի տարածքում»,-ասվում է հայտարարության մեջ։
Մոսկվայի մարզի Սերգիև Պոսադ քաղաքը հարձակման է ենթարկվել այսօր առավոտյան։ Ականատեսները լուսանկարել են խոշոր հրդեհը։ Իշխանությունների տվյալներով՝ երկու մարդ տուժել է։ Մոսկվայի մարզի նահանգապետ Անդրեյ Վորոբյովն էլ հայտնել է, որ Սերգիև Պոսադի շրջանում գրանցվել է չորս անօդաչու թռչող սարքի անկում։ Միաժամանակ, Ռուսաստանի Պաշտպանության նախարարությունը Մոսկվայի մարզը չէր նշել այն շրջանների շարքում, որտեղ անօդաչու թռչող սարքեր են խոցվել։
Քաղաքային շրջանի ղեկավար Օքսանա Երոխանովան հայտնել է, որ հարձակման հետևանքով հրդեհ է բռնկվել ենթակայանում։ Հրդեհի հետևանքով ավելի քան 42 հազար մարդ մնացել է առանց էլեկտրաէներգիայի։ Իշխանությունների տվյալներով՝ էլեկտրամատակարարումն արդեն վերականգնվել է։
Թարգմանությունը՝ Էմմա Չոբանյանի
