21.06.2026 | 22:09
ԱԱ-2026. Իսպանիան հաղթեց խոշոր հաշվով. ՏԵՍԱՆՅՈՒԹ
ԱՄՆ-ն Ադրբեջանում նոր ժամանակավոր հավատարմատար է նշանակել
Քաղաքականություն
03.07.2025 | 20:53
Վաշինգտոնն Ադրբեջանում ԱՄՆ գործերի նոր ժամանակավոր հավատարմատար է նշանակել։ Այս մասին հայտնում են ադրբեջանական լրատվամիջոցները՝ վկայակոչելով Բաքվում ԱՄՆ դեսպանատանը։
Դեսպանատան տեղեկացմամբ՝ այս պաշտոնում նշանակվել է Էմի Քարլոնը։ Հաղորդվում է, որ դիվանագետը Բաքու է ժամանել այս շաբաթ։
Քարլոնը 2022 թվականի հունիսից մինչև 2024-ի օգոստոսն աշխատել է որպես Պետքարտուղարության Դիվանագիտական ծառայության ինստիտուտի քաղաքական ուսուցման գրասենյակի տնօրեն։ Նա նաև ծառայել է որպես Ավստրալիայի, Նոր Զելանդիայի և Խաղաղօվկիանոսյան կղզիների բյուրոյի փոխտնօրեն Արևելյան Ասիայի և Խաղաղօվկիանոսյան հարցերով բյուրոյում (2020-2022) և որպես քաղաքական խորհրդական ԱՄՆ դեսպանատանը Աթենքում, Հունաստանում (2016-2019): Դիվանագետը նաև աշխատել է Ինդոնեզիայում, Ավստրիայում և Ռուսաստանում։
Թարգմանությունը՝ Էմմա Չոբանյանի
