Պապոյանը ներկայացնում է տվյալներ՝ հղում անելով չարչրկված Numbeo-ին․ այս կայքի տվյալները փաստահեն չեն

Լուրեր

22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
Բոլորը

«Էկոնոմիկայի նախարար Գևորգ Պապոյանը և նրա ղեկավարած նախարարությունը շարունակում են անվստահելի աղբյուրի հիման վրա ոչ հավաստի տվյալներ տարածել»,-  գրում է FIP.am-ը «Պապոյանը շարունակում է սխալ տվյալներ տարածել․ աշխատավարձերի մասին տեղեկությունը սխալ է նաև Numbeo-ի տվյալների համեմատականում» հոդվածում։

Հունիսի 18-ին «Փաստերի ստուգման հարթակն» անդրադարձել էր ՀՀ էկոնոմիկայի նախարար Գևորգ Պապոյանի՝ հունիսի 16-ին Ազգային ժողովի տնտեսական հարցերի մշտական հանձնաժողովի արտահերթ նիստում արված հայտարարությանը, թե Հայաստանում միջին աշխատավարձն աշխարհի միջին աշխատավարձից բարձր է։ Պապոյանը այս մասին հայտարարել էր՝ հղում անելով Numbeo կայքի տվյալներին։

FIP.am-ի ուսումնասիրությունը ցույց էր տվել, որ նախարարի՝ ՀՀ միջին աշխատավարձն աշխարհի միջին աշխատավարձից բարձր լինելու պնդումն անհիմն է, չունի փաստական հենք, հիմնված չէ բացառապես պաշտոնական վիճակագրական տվյալների վրա, հետևաբար՝ չի համապատասխանում իրականությանը։

Փաստերի ստուգման հարթակի հրապարակումից հետո Պապոյանը ֆեյսբուքյան իր էջում երկու անգամ անդրադարձել է նշված վերլուծությանը՝ պնդելով, որ իր ներկայացրած տվյալները ճշգրիտ են, լրատվամիջոցի աշխատանքին հեգնանքով վերաբերվել։

Այսօր, նա կրկին գրառում է կատարել՝ կասկածի տակ դնելով լրատվամիջոցի փաստերի ստուգման կարողությունները՝ կրկին վկայակոչելով Numbeo-ն։

«Ըստ Fip.am կայքի «փաստեր ստուգողների» տրամաբանության, եթե Լյուքսեմբուրգում, որտեղ ապրում է 0,7 մլն մարդ և միջին աշխատավարձը 5544 դոլար է, իսկ Նիգերիայում, որտեղ ապրում է 237,5 մլն մարդ, 128 դոլար, ապա այս երկու երկրների ընդհանուր բնակչության՝ 238,2 մլնի  միջին աշխատավարձը կկազմի 2836 դոլար՝ (5544+128)/2։ Գիտեմ չեք հավատա, որ նման ծանծաղամիտ բան են գրել, բայց այսպիսի անհարմար բան է ստացվել այն բանից հետո, երբ փորձել են հերթական անգամ սևացնել ինձ։ Մի ամբողջ լավաշ են գրել, որտեղ նախ փորձել են այս տրամաբանությամբ հակասել ինձ և հետո կասկածի տակ են դրել numbeo.com կայքի տվյալները։ Ուրեմն numbeo-ն հեչ, fip-ը՝ մեջ։ Fip.am-ի տղաներ և աղջիկներ, գիտեմ, թե ինչպիսի личная неприязнь ունեք իմ անձի հանդեպ, պատճառներն էլ գիտեմ, բայց չե՞ք հոգնում ամեն անգամ ծիծաղելի վիճակում հայտնվելուց։ Գնացեք ձեր գրանտները վայելեք, իմ հետ ի՞նչ գործ ունեք»,- գրել է Պապոյանը։

Խնդրահարույց է այն հանգամանքը, որ Էկոնոմիկայի նախարարը շարունակ հղում է անում մի կայքի, որի դասակարգման աղյուսակները հիմնված են ոչ թե վիճակագրական տվյալների, այլ օգտատերերի ներկայացրած տվյալների վրա։

Ավելի քան մեկ տարի առաջ Factor.am-ը անդրադարձել էր մեկ մարդու կողմից կառավարվող այս կայքին, որտեղ յուրաքանչյուրն առանց անգամ գրանցվելու կարող է տվյալներ մուտքագրել այս կամ այն երկրի որևէ ոլորտի վերաբերյալ, այս դեպքում՝ որ երկիրում միջին աշխատավարձը որքան է։

Հիշեցնենք, 2024-ի փետրվարին վարչապետ Նիկոլ Փաշինյանը ևս  The Telegraph-ին տված հարցազրույցում  հղում էր արել Numbeo-ին` հայտարարելով, թե Հայաստանն աշխարհի ամենաանվտանգ երկրների ցանկում յոթերորդն է։ Նման պնդում արել էր նաև Ներքին գործերի նախարարությունը։

Այս թեմային Factor.am-ը անդրադարձել էր «Փաշինյանը պնդում է՝ ՀՀ-ն աշխարհի 7-րդ ամենաանվտանգ երկիրն է․ Փա՞ստ, թե փուստ» հաղորդման ընթացքում։  

 

 

Այսպիսով, թեև լրատվամիջոցները շարունակում են արձանագրել, որ Numbeo-ն վստահելի աղբյուր չէ, պետական բարձրաստիճան պաշտոնյանները շարունակում են իրենց ելույթներում և հրապարակումներում հղում անել դրանց՝ կասկածի տակ դնել լրատվամիջոցների՝ փաստերի ստուգման ունակությունները։ 

 

Անի Թամրազյան