21.03.2026 | 20:02
ԱՄՆ-ի Հավայի նահանգում 5,5 հազար մարդ կտարհանվի ջրհեղեղի պատճառով
Փաշինյանը պնդում է՝ ՀՀ-ն աշխարհի 7-րդ ամենաանվտանգ երկիրն է․ Փա՞ստ, թե փուստ. ՏԵՍԱՆՅՈՒԹ
Հաղորդաշարեր
17.02.2024 | 20:00
The Telegraph-ին տված հարցազրույցում Նիկոլ Փաշինյանը հայտարարել է, թե Հայաստանն աշխարհի յոթերորդ ամենաանվտանգ երկիրն է։ Մինչ այդ էլ նույնպիսի պնդում արել էր ՆԳ նախարարությունը։ Իսկ դրա համար նրանք հղում են անում Numbeo կայքին։
Մեկ մարդու կողմից կառավարվող այս կայքը տարբեր թվեր է հրապարակում՝ երկրները դասակարգելով ըստ անվտանգության, ըստ թանկության և այլն։ Իսկ տվյալները, ուշադրություն, հավաքում է օգտվողներից։
Այսինքն՝ ամեն մեկս, նույնիսկ առանց գրանցվելու, այս կայքում կարող ենք որոշել՝ որ երկիրն է ամենաանվտանգը։ Օրինակ՝ Երևանի անվտանգության մակարդակը որոշվել է ընդամենը մոտ 240 մարդու քվեարկությամբ։ Սրանով իսկ կարելի է պնդել, որ այս կայքի ներկայացրած ցուցանիշները մանիպուլյատիվ են և բոլորովին հիմնավոր չեն։
Numbeo կայքն իր անվտանգության ինդեքսը բաժանում է մի քանի մասերի, այդ թվում՝ գողություններ և այլն։ Հարցումների փոխարեն Հայաստանի ու ԵՄ պաշտոնական վիճակարությամբ համեմատել ենք նույնպիսի տվյալներ՝ գողությունների և սպանությունների քանակը 100 հազար բնակչի հաշվով։
Երկու ցուցանիշներով էլ Հայաստանը շատ ավելի ցածր հորիզոնականներում է։
Գրաֆիկ 1
Գրաֆիկ 2
Մենք ձեզ տեղեկացրինք և պնդումների, և իրական փաստերի մասին։ Իսկ դուք ինքներդ որոշեք՝ Փաշինյանի խոսքերը Փաստ են, թե փուստ։
Գարիկ Հարությունյան
