31.07.2026 | 23:31
ՀԾԿՀ նախագահը այցելել է «Երևանի ՋԷԿ». քննարկվել են էներգաբլոկի ներկայիս հնարավորությունները
Ի լուր աշխարհի հայտնում եմ՝ եթե համակարգը շարունակի այսպես աշխատել, ստիպված կլինենք հրաժարվել դրանից․ Ավինյան․ ՏԵՍԱՆՅՈՒԹ
Տնտեսություն
30.06.2025 | 10:59
«Հունիս ամսվա վերջն է, այս հարթակը գործարկված է արդեն 6 ամիս, և մենք օրենքով պարտադրված ենք այս հարթակով աշխատել, սակայն մինչ այս պահը բազմաթիվ խնդիրներ ունենք»,- Երևանի քաղաքապետարանի գործակարգավարական նիստում ասաց Տիգրան Ավինյանը՝ անդրադառնալով կառուցապատման թույլտվությունների տրամադրման համար գործող էլեկտրոնային հարթակի աշխատանքին։ Հարթակը գործարկվել է այս տարվա հունվարի 1-ին։ Ավինյանն արձանագրեց, որ դրա հետ կապված խնդիրներ շարունակվում են։
«6 ամիս անցել է։ Եթե շարունակվի այսպես, համակարգն աշխատեցնելու անհնարինության բերումով ստիպված կլինենք հրաժարվել դրանից»,- նշեց քաղաքապետը։
Երևանի քաղաքապետարանի աշխատակազմի իրավաբանական վարչության պետ Ալիկ Վարդազարյանն ասաց, որ խնդիրներ ի հայտ են գալիս վարչարարություն իրականացնելիս և խիստ անհարմարություն են առաջացնում ինչպես կառուցապատողների, նախագծողների, այնպես էլ՝ պետական և համայնքային ծառայություններում։
Ավինյանը նաև հիշեցրեց օրենքում կատարված փոփոխության մասին, ըստ որի՝ քաղաքաշինական ծրագրերի համար նախատեսված ծառայությունները պետք է մատուցվեն Urban.e-gov.am էլեկտրոնային հարթակի միջոցով այս տարվա հունվարի 1-ից սկսած։
Մանրամասները՝ տեսանյութում։
Անի Թամրազյան
