29.04.2026 | 13:39
Ուկրաինական ԱԹՍ-ները հարձակվել են Պերմի և Օրենբուրգի մարզերի վրա. հաղորդվում է նավթավերամշակման գործարաններում հրդեհների մասին
Երևանի քաղաքապետարանը փորձնական գործարկում է Y.E.S. համակարգը՝ էլեկտրոնային ծանուցումների հարթակը․ ՏԵՍԱՆՅՈՒԹ
Տեսանյութեր
30.06.2025 | 10:41
Համայնքային ծառայությունների միասնական հարթակը՝ «Y.E.S»-ն այսօրվանից փորձնական կգործարկվի։ Այս մասին Երևանի քաղաքապետարանի գործակարգավարական նիստի ժամանակ հայտնեց «Երևան քաղաքի կառավարման տեխնոլոգիաների կենտրոնի» տնօրեն Սարգիս Մանուկյանը։
«Այս հարթակը համախմբում է Երևանի քաղաքապետարանի և իր ենթակառուցվածքների միջոցով տրամադրվող բոլոր ծառայությունները՝ մեկ պատուհանի սկզբունքով։ Սրա գերնպատակը առավել հարմար ծառայություններ հասցնելն է։ Հարթակից օգտվելը շատ պարզ է, ընդամենը մեկ գրանցումով քաղաքացին կարողանալու է օգտվել քաղաքային ծառայություններից, տեսնել իր պարտավորությունները, վճարել դրանց համար և օգտվել»,- ասաց Մանուկյանը՝ իր օրինակով ցույց տալով, թե ինչպես է աշխատում ծրագիրը։
Քաղաքապետ Տիգրան Ավինյանը նշեց, որ հարթակի հետագա զարգացումը ենթադրում է ունենալ հավելվածներ և ցանկալի կլինի, որ մինչև տարվա վերջ հարթակը հասանելի լիներ նաև հավելվածներում։ Նա հանձնարարեց առաջիկա մեկ շաբաթում արձանագրել բոլոր խնդիրները։
Համակարգում հնարավոր կլինի մուտք գործել դեմքի նույնականացմամբ, ինչպես նաև նույնականացման քարտով և Mobile ID-ով։
Մանրամասները՝ տեսանյութում։
Անի Թամրազյան
