Քաղաքականություն
28.06.2025 | 18:02
Մոսկվայի մարզում թեթև շարժիչով Յակ-52 ինքնաթիռ է կործանվել։ Այս մասին հայտնում է Интерфакс-ը․ «Նախնական տվյալով` զոհվել է 4 մարդ»։
Յակ-52-ը կործանվել է Կոլոմնա քաղաքային շրջանի Պանովո գյուղում: Ինքնաթիռի ընկնելուց հետո հրդեհ է բռնկվել։
ՌԴ ԱԻՆ-ից հայտնել են, որ վթարի վայրում ավերածություններ չկան, հրդեհը մարվել է:
«Ժամանած ստորաբաժանումների կողմից վերացվել է հինգ քառակուսի մետր տարածքում բռնկված հրդեհը։ Վթարի վայրում ավերածություններ չկան: Ինքնաթիռը թռել էր Սևերկայի օդանավակայանից»,-նշվում է հաղորդագրության մեջ։
Վթարի հետևանքների վերացման աշխատանքներում ներգրավված է 23 մարդ և 8 միավոր տեխնիկա:
Մոսկվայի միջտարածաշրջանային տրանսպորտային դատախազությունը լրագրողներին տեղեկացրել է ինքնաթիռի վթարի հետաքննության մեկնարկի մասին։
Դեպքի վայր է ժամանել օդային և ջրային տրանսպորտի ոլորտում իրավապահ մարմինների վերահսկողության հարցերով Մոսկվայի դատախազ Կիրիլ Նիշիմենկոն:
