27.02.2026 | 23:31
Ստեփանծմինդա-Լարս ավտոճանապարհը փակ է
Առաջին անգամ Մեղրիում գիշերել եմ, նորաբաց հյուրանոց կա․ Նիկոլ Փաշինյան. ՏԵՍԱՆՅՈՒԹ
Տեսանյութեր
26.06.2025 | 12:23
«Զբոսաշրջության ոլորտում մայիսին ունենք շատ տեսանելի և էական աճ»,- այս մասին Կառավարության նիստում տեղեկացրեց վարչապետ Նիկոլ Փաշինյանը։ Նա շեշտեց, որ այդ աճն ինքն ու ընտանիքը զգացել են։
Ըստ Փաշինյանի՝ Գորիսում հյուրանոց գտնելը բավականին խնդրահարույց է այն պայմաններում, երբ Գորիսն իր հյուրանոցային տնտեսությամբ Հայաստանում բավականին առաջատար դիրքեր ունի Երևանից ու Գյումրիից հետո: Վարչապետը, սակայն, ընդգծեց, որ վերջին շրջանում պատկերը բոլորովին փոխվել է։
«Վերջին իմ այցը Գորիս ցույց տվեց, որ քաղաքի կենտրոնն առնվազն հասել է այն տեսքի, որ շատ մեծ տպավորություն կարող է թողնել զբոսաշրջիկների վրա: Իհարկե, մասնավոր հատվածի մեր գործընկերներն էլ արձագանքել են՝ Գորիսում արդեն բավականին լավ հյուրանոցներ կան»,- նկատեց գործադիրի ղեկավարը։
Փաշինյանն ասաց, որ բազմիցս եղել է Մեղրիում, բայց առավել ևս վարչապետի կարգավիճակում ոչ մի անգամ չի գիշերել այնտեղ, քանի որ համապատասխան հյուրանոց չկար, որ հնարավոր լիներ պատվիրակության կազմով մնալ: Վարչապետի խոսքով՝ այստեղ էլ արդեն պատկերը փոխվում է։
«Այս տարի առաջին անգամն է, որ ես Մեղրիում գիշերել եմ, որովհետև այնտեղ նորաբաց հյուրանոց կա: Սրանք ազդակներ են, որոնք պետք է ճիշտ ներկայացնենք, և կարծում եմ՝ կարևոր ազդակներ են»,- նշեց նա։
Մանրամասները՝ տեսանյութում։
