16.12.2025 | 13:20
Թրամփը դատի է տվել BBC-ին` պահանջելով 5 մլրդ դոլար
Մեքենան անցումի վրա հարվածել է մոր հետ ճանապարհը հատող երեխային․ անչափահասի վիճակը կայուն է
24.06.2025 | 19:10
Այսօր Երևանում երեխայի մասնակցությամբ վրաերթ է տեղի ունեցել։ Shamshyan․com-ը տարածել է տեսանյութ, որտեղ երևում է, թե ինչպես է մեծ արագությամբ ընթացող մարդատարը հետիոտնային անցման վրա հարվածում մոր հետ ճանապարհը հատող երեխային։
Factor.am-ին «Սուրբ Աստվածամայր» ԲԿ-ից հայտնեցին, որ վրաերթի ենթարկվածը 9 տարեկան երեխա է: Նրա աջ սրունքն է կոտրվել, վաղը նախատեսվում է վիրահատություն: Երեխայի առողջական վիճակը կայուն է, կյանքին վտանգ չի սպառնում:
ՆԳՆ ոստիկանությունից Factor.am-ին հայտնեցին, որ այսօր՝ ժամը 10:10-ին, Երևանի Ֆուչիկի փողոցի 27/20 հասցեի դիմացի հատվածում՝ հետիոտնային անցման վրա, Երևանի բնակիչ 21-ամյա մի երիտասարդ, որը վարել է Kia մակնիշի մեքենա, վրաերթի է ենթարկել անչափահաս տղայի և առաջ ընթանալով՝ բախվել Opel մակնիշի մեքենայի։
Քննչական կոմիտեի մամուլի քարտուղար Կիմա Ավդալյանը փոխանցեց, որ դեպքի առթիվ նախաձեռնվել է քրեական վարույթ՝ Քրեական օրենսգրքի 342-րդ հոդվածի 1-ին մասի հատկանիշներով, այն է՝ ավտոմեքենա կամ մեխանիկական այլ տրանսպորտային միջոց վարող անձի կողմից ճանապարհային երթևեկության անվտանգության ապահովմանն ուղղված պահանջ կամ անվտանգությունն ապահովող կանոն խախտելը, որը մարդու առողջությանն անզգուշությամբ պատճառել է ծանր կամ միջին ծանրության վնաս։
Անի Թամրազյան
