16.06.2026 | 15:20
Ընդամենը մեկ խախտում․ Կաբո Վերդեի հավաքականն աշխարհի առաջնությունների ռեկորդ է սահմանել
ՀԷՑ-ը լիցենզիաներ է տրամադրում իր ղեկավար կազմի հետ փոխկապակցված ընկերություններին․ Խուրշուդյան․ ՏԵՍԱՆՅՈՒԹ
Տնտեսություն
24.06.2025 | 13:28
Հայաստան-Եվրոպական Միություն քաղաքացիական հասարակության պլատֆորմի 2024 թ. հաշվետվության ներկայացման ժամանակ «Ազատ քաղաքացի» հասարակական կազմակերպության նախագահ Հովսեփ Խուրշուդյանի ելույթը նվիրված էր երկրի էներգետիկ անվանգությանը։
Իր ելույթում նա շեշտեց, որ 2018 թվականից ի վեր կառավարությունն իրականացրել է մի շարք բարեփոխումներ, որոնցից գլխավորը մրցակցային էներգետիկ շուկաների զարգացումն է։ Խուրշուդյանը մատնանշեց նաև տնային տնտեսությունների կողմից արևային վահանակների տեղադրման սուբսիդավորումը։ Այդուհանդերձ, ըստ Խուրշուդյանի, մեկ շուկայից կախվածությունը ռիսկեր է պարունակում։ Մյուս կարևոր խնդիրը, նրա դիտարկմամբ, ՀԷՑ-ում կոռուպցիայի և հովանավորչության առկայությունն է, որի մասին մասին ներքին խոսակցություններում ահազանգում են էներգաարտադրողները։
«ՀԷՑ-ի ղեկավարությունը չի ապահովում ազատ մրցակցություն, բացի այդ ՀԷՑ-ը լիցենզիաներ է տրամադրում իր ղեկավար կազմի հետ փոխկապակցված ընկերություններին»,- ասաց նա՝ հավելելվ, որ զեկույցը պատրաստվել է այն ժամանակ, երբ դեռ ՀԷՑ-ի շուրջ նման իրադարձություններ չկային։ Հովսեփ Խուրշուդյանը դրական որակես ՀԷՑ-ը պետականացնելու վարչապետ Նիկոլ Փաշինյանի հայտարարությունը։
Հիշեցնենք՝ վարչապետ Նիկոլ Փաշինյանը ֆեյսբուքյան գրառմամբ տեղեկացել է, որ «Հայաստանի էլեկտրական ցանցեր» ՓԲԸ պետականացման պլանը պատրաստ է, և այն շուտով կմտնի գործնական փուլ։ Փաշինյանը միևնոււյն ժամանակ նշել է, որ պրոցեսները տեղի կունենան ՀՀ օրենսդրությանը համապատասխան։
Մանրամասները՝ տեսանյութում։
Մանյա Պողոսյան
