29.04.2026 | 15:35
Բեռնատարների հայ վարորդների՝ ՌԴ-ում գտնվելու ժամկետները երկարաձգվել են
Իրանը հրթիռներ է արձակել Կատարում ԱՄՆ-ի բազաների ուղղությամբ. ԶԼՄ
Քաղաքականություն
23.06.2025 | 20:51
Իրանը հրթիռներ է արձակել Կատարում ԱՄՆ-ի բազաների ուղղությամբ: BBC-ի ռուսական ծառայության փոխանցմամբ՝ այս մասին հայտնում են ականատեսներն ու տեղական լրատվամիջոցները։ Համացանցում հրապարակվում են հնարավոր արձակումների առաջին կադրերը: Axios-ի լրագրող Բարաքի Դավիդը X-ի միկրոբլոգում գրել է․ «Իսրայելցի պաշտոնյան ինձ տեղեկացրել է, որ Իրանը 6 հրթիռ է արձակել Կատարում գտնվող ամերիկյան բազաների ուղղությամբ»։
BBC-ի տվյալներով՝ հարվածի տակ կարող էր հայտնվել կոալիցիայի օդային գործողությունների բազան Ալ Ուդեյդում։ Ռազմակայանը գտնվում է ԱՄՆ-ի վերահսկողության տակ, սակայն այնտեղ տեղակայված են նաև այլ երկրների զինվորականներ:
Իրանի Ազգային անվտանգության խորհուրդը հավաստիացրել է, որ Թեհրանի գործողությունները «սպառնալիք կամ վտանգ չեն ներկայացնում բարեկամ և եղբայրական Կատարի Պետության և նրա ժողովրդի համար»:
Ավելի վաղ Կատարը տեղեկացրել էր, որ ժամանակավորապես փակում է օդային տարածքը: ԱՄԷ-ն և Բահրեյնը ևս փակել են իրենց օդային տարածքները:
ՀՕՊ համակարգերը հաջողությամբ հետ են մղել ամերիկյան Ալ-Ուդեյդ ավիաբազայի վրա հրթիռային հարձակումը։ Իրանական MEHR գործակալությունը հայտնել էր, որ հրթիռների քանակը, որոնցով Իրանը հարվածել է Կատարի ամերիկյան ռազմակայանին, համապատասխանում է այն ռումբերի թվին, որոնք ԱՄՆ-ն նետել է Իրանի վրա:
