01.08.2026 | 19:09
Քննարկվել է ազատազրկվածների պահման պայմանների բարելավումը
Մեկ տարեկան երեխա է մահացել Գյումրիի մանկատանը
Հասարակություն
20.06.2025 | 15:20
Ողբերգական դեպք է տեղի ունեցել «Գյումրու երեխաների տուն» ՊՈԱԿ-ում։ Հունիսի 17-ին՝ ժամը 06։20-ի սահմաններում, ՀՀ ներքին գործերի նախարարության ոստիկանության համայնքային ոստիկանության գլխավոր վարչության Մուշի բաժնում օպերատիվ տեղեկություն է ստացվել, որ ժամը 05։45-ի սահմաններում շտապօգնության խումբը «Գյումրու երեխաների տուն» ՊՈԱԿ-ում արձանագրել է նշված մանկատան 1-ամյա շահառուի մահը։ ՊՈԱԿ-ի տնօրենը ոստիկաններին հայտնել է, որ երեխային մահացած հայտնաբերել են աշխատակիցները.
«Արձանագրվել է կենսաբանական մահ: Արտաքին զննությամբ դիակի վրա բռնության հետքեր չեն հայտնաբերվել: Նշանակվել է դիակի դատաբժշկական փորձաքննություն»,- Factor TV-ի հետ զրույցում ասաց Քննչական կոմիտեի մամուլի քարտուղար Կիմա Ավդալյանը։
Դեպքի առթիվ նախաձեռնվել է քրեական վարույթ՝ Քրեական օրենսգրքի 155-րդ հոդվածի 2-րդ մասի 3-րդ և 5-րդ կետերով՝ սպանություն, որը կատարվել է անօգնական վիճակում գտնվողի անչափահասի նկատմամբ։
Ռոզա Վարդանյան
