04.04.2026 | 20:03
ՃՏՊ՝ հրդեհի բռնկմամբ
«ԱՄՆ-ի ցանկացած ռազմական միջամտություն անդառնալի վնաս կպատճառի նրանց»․Ալի Խամենեին հանդես է եկել ուղերձով
Քաղաքականություն
18.06.2025 | 15:55
Իրան գերագույն հոգևոր առաջնորդ Ալի Խամենեին հեռուստասատեսային ուղերձում հայտարարել է, որ «իրանական ժողովուրդը կկանգնի պարտադրված պատերազմի դեմ, ինչպես կկանգնի պարտադրված խաղաղության դեմ և չի հանձնվի որևէ մեկին պարտադրանքի առջև», փոխանցում է IRNA գործակալությունը։
Նա նաև անդրադարձել է ԱՄՆ նախագահ Դոնալդ Թրամփի հայտարարություններին։
«Իրանը, իրանական ազգը և նրա պատմությունը ճանաչող խելացի մարդիկ երբեք չեն խոսի այս ազգի հետ սպառնալիքի լեզվով, քանի որ իրանական ազգը չի հանձնվի, և ամերիկացիները պետք է իմանան, որ ԱՄՆ-ի ցանկացած ռազմական միջամտություն, անկասկած, անդառնալի վնաս կպատճառի նրանց»,-ասել է Խամենեին։
Հիշեցնենք, որ Դոնալդ Թրամփը հայտարարել էր, որ Միացյալ Նահանգները վերահսկողություն է հաստատել Իրանի երկնքի նկատմամբ ու նշել, որ գիտեն, թե որտեղ է թաքնվում Իրանի գերագույն հոգևոր առաջնորդ այաթոլլա Ալի Խամենեին։
«Մենք ճշգրիտ գիտենք, թե որտեղ է թաքնվում, այսպես կոչված, «Գերագույն առաջնորդը»։ Նա հեշտ թիրախ է, բայց այնտեղ անվտանգ է։ Մենք չենք պատրաստվում նրան վերացնել (սպանել), գոնե առայժմ՝ ո՛չ։ Բայց մենք չենք ուզում, որ հրթիռներ արձակվեն քաղաքացիական անձանց կամ ամերիկացի զինվորների վրա։ Մեր համբերությունը սպառվում է», – ասել էր ԱՄՆ նախագահը`մեկ այլ գրառմամբ հավելելով. «Անվերապահ կապիտուլյացիա»։
Թարգմանությունը՝ Էմմա Չոբանյանի
