15.12.2025 | 14:46
Զինծառայողին անզգուշությամբ ինքնասպանության են հասցրել. կա կալանավորված անձ
Մայր Աթոռը դատապարտում է Սամվել Կարապետյանին ձերբակալելու փորձը
Քաղաքականություն
17.06.2025 | 20:11
Մայր Աթոռ Սուրբ Էջմիածինը հայտարարություն է տարածել, որում անդրադարձել է գործարար Սամվել Կարապետյանի առանձնատան խուզարկությանը և ձերբակալություններին՝ դատապարտելով տեղի ունեցողը:
«Քիչ առաջ հայտնի դարձավ, որ Հայոց Եկեղեցուն աջակցություն հայտնելուց անմիջապես հետո իրավապահ մարմինների կողմից փորձ է կատարվել ձերբակալելու ազգային բարերար Սամվել Կարապետյանին, և այս պահին խուզարկվում է նրա տունը։
Խստորեն դատապարտում ենք ակնհայտ քաղաքական շարժառիթներով պայմանավորված հետապնդումը։ Հորդորում ենք ՀՀ իշխանություններին անհապաղ դադարեցնել ապօրինի գործողությունները»,- ասված է հայտարարությունում։
Ինչպես հայտնել էինք՝ հատուկջոկատայիններն այս պահին խուզարկություններ են իրականացնում Կարապետյանի՝ Երևանում գտնվող տանը, կան բերման ենթարկվածներ։ Սամվել Կարապետյանի տան մոտ հավաքված են եղբայրը, նրա աջակիցները, այս պահին չկա տեղեկություն ձերբակալվածների մեջ նա կա, թե՝ ոչ:
