29.04.2026 | 16:51
Ուզո՞ւմ եք նույն ոճով պատասխանեմ Ձեզ, ոնց Դուք եք վիրավորում. դատախազը` Գեղամ Մանուկյանին․ ՏԵՍԱՆՅՈՒԹ
Քննարկվել է «Հայֆիլմ»-ի վերագործարկման հնարավորությունը
Մշակույթ
17.06.2025 | 14:34
ՀՀ ԿԳՄՍ նախարար Ժաննա Անդրեասյանն այցելել է «Հայֆիլմ» կինոստուդիա, ծանոթացել պայմաններին, առկա խնդիրներին, զրուցել աշխատակիցների հետ: Քննարկվել է «Հայֆիլմ»-ի վերագործարկման հնարավորությունը։
ԿԳՄՍՆ-ի փոխանցմամբ՝ նախարարի դիտարկմամբ՝ կինոժառանգության պահպանման գործընթացն անհրաժեշտ է իրականացնել պետության անմիջական վերահսկողությամբ և աջակցությամբ: Մասնավորապես՝ որպես առաջնահերթություն շեշտվել է ֆիլմերի ժապավենների մաքրման և թվայնացման ապահովումը։
Այցի շրջանակում Հայաստանի կինոյի հիմնադրամի տնօրեն Դավիթ Բանուչյանը տեսասահիկով ներկայացրել է «Հայֆիլմի» վերագործարկման նախագիծը, որի նպատակը կինոարդյունաբերության զարգացման միջոցով ազգային ֆիլմի զարգացման նախադրյալների ստեղծումն է: Ըստ Դավիթ Բանուչյանի՝ ծրագրի առաջնային նպատակներից է նաև ոլորտում ֆինանսական ակտիվ հոսքերի ապահովումը և ներդրումային նախագծերի իրականացումը։
Առանձնակի կարևորվել է մասնավոր հատվածի հետ համագործակցության արդյունավետ ձևաչափերի սահմանումը՝ հատկապես կինոարտադրությամբ հետաքրքրված երկրների հետ համագործակցությամբ:
Նախարարն ընդգծել է, որ անելիքները շատ են, ուստի անհրաժեշտ է սահմանել ժամանակացույց և փուլ առ փուլ պլանավորել աշխատանքները։
