21.02.2026 | 16:59
Պուտինը ստորագրել է ԱԴԾ-ի պահանջով կապի անջատման մասին օրենքը
Դատախազությունն ընթացք է տվել լրագրողի և ոստիկանի միջև միջադեպի վերաբերյալ հրապարակումներին
Հասարակություն
16.06.2025 | 16:23
Դատախազությունն ընթացք է տվել լրագրող Մերի Մանուկյանի և ոստիկանի միջև այսօր առավոտյան տեղի ունեցած միջադեպի վերաբերյալ մամուլի հրապարակումներին: Այս մասին Factor TV-ի հարցին ի պատասխան հայտնեցին գլխավոր դատախազությունից:
Հիշեցնենք, որ այսօր առավոտյան քասախցիները փակել էին Երևան-Աշտարակ ճանապարհը՝ պահանջելով վերականգնել 59 համարի ավտոբուսի երթուղին։
Լրագրողի նկատմամբ բռնություն, 11 բերման ենթարկված անձ. Քասախում ոստիկաններն ուժով բացել են ճանապարհը
Բողոքի ակցիայի ընթացքում քաղաքացիներ բերման ենթարկվեցին։ Լրագրող Մերի Մանուկյանը, որն աշխատում էր տեղում, ոստիկաններից մեկին հարց է ուղղում, թե ինչու է բերման ենթարկելիս քաղաքացիների նկատմամբ բռնություն գործադրում։
«Ի՞նչ ես ուզում, դու ի՞նչ ես ուզում, դիմե՛ք լրատվական ծառայություն»,- բղավում է ոստիկանը, ապա պահանջում լրագրողից՝ չխոչընդոտել իրեն։
Մերի Մանուկյանը պահանջում է իր հետ հանգիստ խոսել։ Շուտով ոստիկաններն իրենց գործընկերոջը հեռացնում են լրագրողի մոտից։ Լրագրողը փորձում է այլ ոստիկաններից պահանջել, որ իր վրա բղավող ծառայողին հեռացնեն տարածքից, ինչից հետո բղավող ոստիկանը հարվածում է Մերի Մանուկյանին։
Այս միջադեպից հետո լրագրողին հարվածած ոստիկանն ազատվել է Ոստիկանությունում ծառայությունից:
Արաքս Մամուլյան
