Քաղաքականություն
16.06.2025 | 17:09
Ռուսաստանը պատրաստ է միջնորդի դեր ստանձնել Իսրայելի և Իրանի միջև հակամարտության կարգավորման գործում։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը, փոխանցում է Lenta-ն։
«Ռուսաստանը պահպանում է պատրաստությունը՝ անհրաժեշտության դեպքում միջնորդական ծառայություններ մատուցել»,- ասել է Կրեմլի խոսնակը։
Նրա խոսքով՝ ՌԴ նախագահ Վլադիմիր Պուտինի կողմից իր ամերիկացի գործընկեր Դոնալդ Թրամփի հետ զրույցում ներկայացված առաջարկները դեռևս սեղանին են։
Հունիսի 14-ին Պուտինը 50 րոպեանոց հեռախոսազրույց էր ունեցել Թրամփի հետ։ ՌԴ նախագահը դատապարտել է Իսրայելի կողմից Իրանի դեմ ռազմական գործողությունը՝ միաժամանակ հայտնելով իր պատրաստակամությունը միջնորդել երկրների միջև հակամարտությունը կարգավորելու հարցում։ Թրամփն իր հերթին Իսրայելի և Իրանի շուրջ ստեղծված իրավիճակը գնահատել է որպես «շատ մտահոգիչ»։
Թարգմանությունը՝ Էմմա Չոբանյանի
