08.09.2026 | 16:32
Նոր սահմանադրության հրապարակված տեքստը պաշտոնական չէ․ 5 օր առաջ ստեղծված կայքը, Իկոնոմովի պնդումը և նախարարության պարզաբանումը
Ռուսաստանը և Ուկրաինան գերիների հերթական փոխանակումն են իրականացրել. ԼՈՒՍԱՆԿԱՐՆԵՐ
Քաղաքականություն
12.06.2025 | 16:17
Ռուսաստանի և Ուկրաինայի միջև հունիսի 12-ին տեղի է ունեցել ռազմագերիների փոխանակման նոր փուլ։ Այս մասին հայտնել է Ուկրաինայի նախագահ Վլադիմիր Զելենսկին։
«Այսօր մեր բանակի զինվորները, ազգային գվարդիայի անդամները և սահմանապահները տանն են։ Նրանք բոլորը բուժման կարիք ունեն, նրանց անպայման կտրամադրվի անհրաժեշտ օգնությունը։ Սա արդեն ծանր վիրավոր և ծանր հիվանդ զինվորների վերադարձի երկրորդ փուլն է»,- գրել է Ուկրաինայի նախագահը տելեգրամի ալիքում։
Նա նշել է, որ շարունակում են աշխատել բոլորին ռուսական գերությունից վերադարձնելու համար։
ՌԴ ՊՆ-ն էլ հայտնել է, որ Ռուսաստանը գերությունից վերադարձրել է ռուս զինծառայողների մի խմբի, փոխարենը Ուկրաինայի զինված ուժերի զինծառայողները փոխանցվել են ուկրաինական կողմին։
Ռուսաստանի և Ուկրաինայի հայտարարություններում չի նշվում, թե քանի զինվոր է փոխանցվել կողմերին։
Հիշեցնենք, որ գերիների նախորդ փոխանակումը կողմերի միջև տեղի էր ունեցել հունիսի 10-ին։
Թարգմանությունը՝ Էմմա Չոբանյանի
