01.08.2026 | 19:54
«Ուժեղ Հայաստան» խմբակցության ղեկավար է ընտրվել Նարեկ Կարապետյանը, խմբակցության քարտուղար՝ Տիգրան Աբրահամյանը
Երևանի սեփական եկամուտների հավաքագրումն ավելի է 2023 թվականի ցուցանիշից․ Տիգրան Ավինյան․ ՏԵՍԱՆՅՈՒԹ
Տնտեսություն
11.06.2025 | 13:41
2024 թվականին Երևանի բյուջեի փաստացի եկամուտները կազմել են 116 մլրդ 715 մլն դրամ կամ 103,1 տոկոս, ինչը բյուջեի պլանավորման նկատմամբ փաստացի կատարողական է: Այս մասին ԱԺ մշտական հանձնաժողովների համատեղ նիստում ներկայացնելով 2024 թվականի պետական բյուջեի կատարման զեկույցը՝ տեղեկացրեց Երևանի քաղաքապետ Տիգրան Ավինյանը։
Ըստ նրա՝ սեփական եկամուտները կատարվել են 113,1 տոկոսով, այսինքն՝ Երևանի քաղաքապետարանը սեփական եկամուտները 13,1 տոկոսով ավելի է հավաքագրել, ինչը կազմել է 71 մլրդ 199 մլն դրամ:
Ավինյանը նաև շեշտեց, որ սեփական եկամուտների փաստացի հավաքագրումը 2023 թվականի ցուցանիշից ավելի է 21 մլրդ 100 մլն դրամով:
«Պետական բյուջեից Երևան քաղաքին տրամադրվող նպատակային հատկացումները՝ սուբվենցիաները, կազմել են 955 մլն դրամ, իսկ պետության կողմից ՏԻՄ-երին պատվիրակված լիազորությունների իրականացման ծախսերի ֆինանսավորման համար պետբյուջեից ստացվող միջոցները, նախատեսված 34 մլրդ դրամի փոխարեն, փաստացի մուտքագրվել է 30 մլրդ դրամ»,- հավելեց նա։
Մանրամասները՝ տեսանյութում։
Մանյա Պողոսյան
