07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Բացվել է «Մարտիրոս Սարյան․ ծանոթ և անծանոթ դեմքեր» ժամանակավոր ցուցադրությունը
Մշակույթ
11.06.2025 | 17:10
Գրականության և արվեստի թանգարանում տեղի է ունեցել «Մարտիրոս Սարյան․ ծանոթ և անծանոթ դեմքեր» ժամանակավոր ցուցադրության բացումը՝ նվիրված Մարտիրոս Սարյանի ծննդյան 145-ամյակին․ տեղեկացնում են ՀՀ ԿԳՄՍՆ-ից։
Ցուցադրության պաշտոնական բացմանը ներկա են եղել ԿԳՄՍ նախարարի տեղակալ Ալֆրեդ Քոչարյանը, գործընկեր թանգարանների տնօրեններ, արվեստասեր հանրություն:
«Մարտիրոս Սարյան․ ծանոթ և անծանոթ դեմքեր» ժամանակավոր ցուցադրությունը ներկայացնում է Մարտիրոս Սարյանի՝ ԳԱԹ-ում պահվող ամբողջական հավաքածուն՝ կտավներ, գրաֆիկական աշխատանքներ, լուսանկարներ և վավերագրեր, որոնց զգալի մասն առաջին անգամ է ցուցադրվում։ Հավաքածուի գեղարվեստական մասն ընդգրկում է հայ գրողների, մշակույթի գործիչների՝ ծանոթ և անծանոթ շուրջ 60 դիմանկար։
Ցուցադրությունը կգործի մինչև հուլիսի 10-ը։
