18.02.2026 | 14:26
Արցախում ականի վրա ադրբեջանցի սակրավոր է պայթել
Մասկը հայտարարել է, որ զղջում է Թրամփի հասցեին արված մի շարք գրառումների համար
Քաղաքականություն
11.06.2025 | 12:30
Ամերիկացի միլիարդատեր, գործարար Իլոն Մասկը հայտարարել է, որ զղջում է ԱՄՆ նախագահ Դոնալդ Թրամփի հասցեին արված իր որոշ գրառումների համար։
«Ես զղջում եմ նախագահ Դոնալդ Թրամփի մասին անցյալ շաբաթ արված իմ որոշ գրառումների համար։ Դրանք չափազանց հեռու են գնացել»,- գրել է Մասկը X-ում։
Նա, սակայն, չի նշել, թե հատկապես որ գրառումների համար է զղջացել։
Հիշեցնենք, որ նախորդ շաբաթ Իլոն Մասկն ու Դոնալդ Թրամփը հրապարակային վիճել էին սոցցանցերում։ Մասկը աղմկահարույց հրապարակում էր արել այն մասին, որ Թրամփը հիշատակվում է ֆինանսիստ Ջեֆրի Էփշտեյնի գործին վերաբերող փաստաթղթերում, որը մեղադրվում էր անչափահասների սեռական շահագործման նպատակով առևտրի մեջ։ Լրատվամիջոցները հայտնել էին, որ նա օրեր անց ջնջել է այդ գրառումը։
Հրապարակային վեճից հետո, տարբեր հաշվարկներով, Մասկը 34 մլրդ դոլար է կորցրել, Թրամփը՝ շուրջ 1 մլրդ։
Թարգմանությունը՝ Էմմա Չոբանյանի
