04.07.2026 | 11:55
Հրշեջ-փրկարարները կանխել են հրդեհի տարածումը դեպի հարակից տնակներ
ԲՏԱ նախարարը և AMD-ի փոխնախագահը կարևորել են երկկողմ համագործակցության ընդլայնման հնարավորությունները
Քաղաքականություն
10.06.2025 | 22:38
ՀՀ ԲՏԱ նախարար Մխիթար Հայրապետյանն այսօր ընդունել է «Էյ Էմ Դի» (AMD) ամերիկյան ընկերության պատվիրակությանը՝ կորպորատիվ փոխնախագահ Դեն Գիբբոնսի գլխավորությամբ։ Հանդիպման ընթացքում կարևորվել է Հայաստանի տեխնոլոգիական էկոհամակարգի զարգացումը, երկկողմ համագործակցության ընդլայնման հնարավորությունները։ Այս մասին գրառում է կատարել ԲՏԱ նախարարը։
«Իմ խոսքում կարևորել եմ «Էյ Էմ Դի»-ի ներկայությունը Հայաստանի տեխնոլոգիական կյանքում, ներկայացրել տեխնոլոգիական զարգացման նպատակով իրականացվող պետական աջակցության ծրագրերը։ Հայտնել եմ, որ Հայաստանը ձգտում է դառնալ միջազգային գիտահետազոտական (R&D) կենտրոն՝ համապատասխան ներդրումներ կատարելով այս ուղղությամբ։
Դեն Գիբբոնսը բարձր է գնահատել Հայաստանում տեխնոլոգիական ոլորտի, ինչպես նաև ինժեներական կրթության ուղղությամբ գրանցած նվաճումները», ,- գրել է Հայրապետյանը։
Ընկերությունն առավել հայտնի է համակարգչի մշակիչների և գրաֆիկական համակարգերի նախագծմամբ, մշակմամբ։
