10.12.2025 | 23:29
ԱՄՆ Կոնգրես է ներկայացվել 907 ուղղումն ամբողջությամբ չեղյալ համարելու մասին օրինագիծ
Իսրայելի ԱԳՆ-ն հերքել է Ուկրաինային Patriot համակարգերի փոխանցումը
Քաղաքականություն
10.06.2025 | 23:01
Իսրայելն Ուկրաինային չի փոխանցել Patriot զենիթահրթիռային համակարգեր։ Այս մասին Ynet-ին հայտնել է Իսրայելի արտաքին գործերի նախարարությունը։
«Այդ հայտարարությունները չեն համապատասխանում իրականությանը: Իսրայելը Patriot համակարգեր չի փոխանցել Ուկրաինային»,- ասվում է պատասխանում։
Այն, որ Իսրայելը 1990-ականներին իր կողմից սպառազինության մեջ գտնվող Patriot զենիթահրթիռային համակարգեր է փոխանցել Ուկրաինային, հաղորդել էր Ուկրաինայում Իսրայելի դեսպան Միխայիլ Բրոդսկին բլոգեր Մարիչկա Դովբենկոյի հետ հարցազրույցում։
«Միացյալ Նահանգներից մի ժամանակ մեր ստացած Patriot համակարգերն այժմ Ուկրաինայում են։ Դրանք իսրայելական համակարգեր են, որոնք Իսրայելում սպառազինության կազմում էին 1990-ականների սկզբին։ Մենք համաձայնեցինք դրանք փոխանցել Ուկրաինային։ Եվ, ցավոք, այս մասին շատ չի խոսվել։ Բայց երբ ասում են, որ Իսրայելը ռազմական օգնություն չի ցուցաբերել, այդպես չէ։ Դա ճիշտ չէ»,- ասել է Բրոդսկին։
Ynet-ը գրում է՝ որքան հայտնի է՝ Ռուսաստանը պարզաբանումներ է պահանջել Իսրայելից Բրոդսկիի հայտարարությունների վերաբերյալ:
Թարգմանությունը՝ Էմմա Չոբանյանի
