06.12.2025 | 19:41
ԿԳՄՍ նախարարությունը մեկնարկել է վորկաութի և առողջ ապրելակերպի խթանման ծրագիր
Մենք ԵՏՄ-ին տալիս ենք ավելի շատ մաքսատուրք, քան ստանում ենք․ Գևորգ Պապոյան․ ՏԵՍԱՆՅՈՒԹ
Տնտեսություն
05.06.2025 | 18:09
ԵՏՄ-ին ադամակցության շրջանակներում ՀՀ-ի տնտեսական միտումները բավականին բարձր են, այս մասին ԱԺ համատեղ հանձնաժողովների նիստերում ԱԳՆ-ի 2024 թվականի պետական բյուջեի կատարման տարեկան հաշվետվության նախնական քննարկումների ժամանակ հայտարարեց Էկոնոմիկայի նախարար Գևորգ Պապոյանը։
Նա, որպես ապացույց մի քանի ցուցանիշ թվարկեց։ Նախարարի տեղեկացմամբ՝ նախորդ տարի ՀՀ-ի առևտրաշրջանառությունը ԵՏՄ երկրների հետ կազմել է 12 միլիարդ դոլարից ավելի, ինչը 2023 թվականի համեմատ աճել է 54 տոկոսով։
Դրական ցուցանիշներին զուգահեռ Պապոյանը ներկայացրեց նաև բացասականը, ըստ որի՝ արտահանումը ՀՀ-ից դեպի ԵՏՄ երկրներ նվազել է 10 տոկոսով։ Նախարարը նաև շեշտեց, որ ԵՏՄ երկրներից մեր երկիր այցելող զբոսաշրջիկների թվի նվազում է արձանագրվել։
Ներկայացնելով ԵՏՄ-ի երկրների հետ կապված վիճակագրական տվյալներ՝ Էկոնոմիկայի նախարարն արձանագրեց, որ մենք ԵՏՄ-ին տալիս ենք ավելի շատ մաքսատուրք, քան ստանում ենք։ Գևորգ Պապոյանը այս թեմայի հետ կապված այլ բացատրություններ չներկայացրեց։
Մանրամասները՝ տեսանյութում
Մանյա Պողոսյան
