13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Շոկի մեջ չեմ Փաշինյանի գրառումներից. Ֆինանսների նախարար․ ՏԵՍԱՆՅՈՒԹ
Քաղաքականություն
04.06.2025 | 13:58
Ֆինանսների նախարար Վահե Հովհաննիսյանը շոկի մեջ չէ վարչապետ Նիկոլ Փաշինյանի՝ հոգևորականներին ուղղված հայհոյախառն ու վիրավորական գրառումներից, այսօր՝ լրագրողների հետ զրույցում հայտարարեց նախարարը պատասխանելով Factor.am-ի հարցին:
Հովհաննիսյանը նշեց, որ ինքն արդեն գրառմամբ է հանդես եկել և թեմայի շուրջ իր կարծիքն ասել է:
«Ես ընդամենն ասում եմ, որ եթե ինչ-որ մարդիկ ստանձնել են հոգևոր առաջնորդություն, իրենք պետք է որոշակի նաև ստանդարտների հետևեն, որոնք սահմանված են, ինչպես ամեն մեկի համար, ով իր գործառույթից ելնելով այն, ինչ-որ ինքը ստանձնել է, ենթադրում է որոշակի կանոններ և այստեղ էլ կանոնները, որոնք սահմանված են, պետք է պահպանվեն»,- ասաց նա:
Հարցին՝ Ձեզ համար որքանո՞վ է կոռեկտ որ Նիկոլ Փաշինյանը գրառում է անում, օրինակ, ինչ-որ X սրբազանի և նրա քեռակնոջ կենակցելու վերաբերյալ, նա պատասխանեց. «Ես կարծում եմ, որ Նիկոլ Փաշինյանն ազատ է իր սոցիալական ցանցերում գրելու այն, ինչն ինքը նպատակահարմար է գտնում»:
Մանրամասները` տեսանյութում։
Նարեկ Կիրակոսյան
