01.10.2026 | 21:30
COP17-ի նախաշեմին Բրյուսելում կոչ են արել կենսաբազմազանության խոստումները վերածել գործողությունների
Արեգնադեմ գյուղում իր պատմության ընթացքում դպրոց չի եղել, մենք կառուցել ենք․ Փաշինյան․ ՏԵՍԱՆՅՈՒԹ
Հասարակություն
04.06.2025 | 12:49
ԱԺ համատեղ հանձնաժողովների նիստում «Հայաստանի Հանրապետության 2024 թվականի պետական բյուջեի կատարման մասին» տարեկան հաշվետվության նախնական քննարկումների ժամանակ վարչապետ Նիկոլ Փաշինյանն արձագանքեց գույքահարկի բարձրացման շուրջ հնչող քննադատություններին՝ պարզաբանելով, թե ուր են գնում հարկերից հավաքագրված գումարները։
Փաշինյանը, որպես օրինակ, մատնանշեց Շիրակի մարզի Արեգնադեմ համայնքի դպրոցի կառուցման փաստը, որն արվել է հենց հարկերի հավաքագրման արդյունքում։
«Արեգնադեմ գյուղն իր հազարամյա պատմության մեջ դպրոց չի ունեցել, մենք կառուցել ենք։ Երբ խոսում են հարկի շատ լինելու մասին, խնդրում եմ ուղղակի նայենք այն մանկապարտեզին, որը չի եղել։ Մենք այսօր մանկապարտեզներ ենք կառուցում այն գյուղերում, որոնց հազարամյա պատմության մեջ չի եղել մանկապարտեզ։
Մեր գյուղերի 100%-ի փողոցների 90 %-ը գոյության ողջ պատմության ընթացքում եղել է ցեխի մեջ, որը վճարված հարկերի միջոցով է բարեկարգվում»,- հայտարարեց Փաշինյանը։
Մանրամասները՝ տեսանյութում։
Մանյա Պողոսյան
