Հասարակություն
04.06.2025 | 12:22«Վարչապետն արդեն մեկնաբանել է, ավելացնելու բան չունեմ»,- ԱԺ-ում լրագրողներին ասաց ՀՀ տարածքային կառավարման նախարար Դավիթ Խուդաթյանն՝ արձագանքելով Փաշինյանի և եկեղեցու միջև սրված հարաբերությունների վերաբերյալ հարցին։
«Կուսակրոնության հարցը հոգևոր է, դա անձնականի հետ մի՛ կապեք»,-ասաց նախարարը։
Նա նշեց, թե չի տիրապետում եկեղեցականների անձնական կյանքին վերաբերող տեղեկություններին, որոնց տիրապետում է իշխանությունը։
«Հրապարակային հարց է հնչել եկեղեցական գլխավոր կարգերից և պայմաններից մեկի մասով, կարծում եմ հրապարակային պետք է պատասխան հնչի»,-ասաց Խուդաթյանը՝ նշելով, թե եթե ինքը լիներ եկեղեցու ներկայացուցիչների փոխարեն, կտար հրապարակային պատասխան։
Հիշեցնենք՝ վարչապետ Նիկոլ Փաշինյանը ֆեյսբուքյան իր էջում գրառում էր արել, նշելով. «Մայր Աթոռ Սուրբ Էջմիածինը պետք է հստակ պարզաբանի, արդյո՞ք Գարեգին Բ-ն խախտել է կուսակրոնության ուխտը և զավակ ունի»։
Հարցին, թե կաթողիկոսի՝ հնարավոր զավակ ունենալու հանգամա՞նքն է ավելի շատ վնաս հասցրել հայոց պետականությանը, թե՞ ՔՊ-ն՝ իր իշխանությամբ, Խուդաթյանը պատասխանեց.
«Մենք ամեն ինչ անում ենք հայոց պետականությունն ամրացնելու համար։ Վարչապետը մեկնաբանել է այդ մասին, ոչ թե պատերազմ է եղել մեր ժամանակ, այլ մենք ենք եղել պատերազմի ժամանակ իշխանություն»։
Խուդաթյանն ասաց, թե իշխանությունը եկեղեցուն չի թիրախավորում.
«Հայ առաքելական եկեղեցում կան բազմաթիվ կուսակրոն, պարկեշտ սրբազաններ, մենք հարգում ենք այդ մարդկանց»։
Մանրամասները` տեսանյութում։
Նարեկ Կիրակոսյան
