08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Թրամփը ԱՄՆ ներմուծվող պողպատի և ալյումինի մաքսատուրքերը բարձրացրել է մինչև 50%-ի
Քաղաքականություն
04.06.2025 | 11:28
ԱՄՆ նախագահ Դոնալդ Թրամփը հունիսի 3-ին հրամանագիր է ստորագրել պողպատի և ալյումինի համար մաքսատուրքը մինչև 50%-ի բարձրացնելու մասին, հայտնում է Սպիտակ տունը։
Նշվում է, որ այդպիսով նախագահ Թրամփը միջոցներ է ձեռնարկում՝ Ամերիկայի կարևորագույն պողպատի և ալյումինի արդյունաբերությունները պաշտպանելու համար, որոնք «վնաս են կրել անարդար առևտրային պրակտիկայի և համաշխարհային գերարտադրողականության պատճառով»։ Սպիտակ տունը հայտնում է, որ Թրամփը պողպատի և ալյումինի ներմուծման մաքսատուրքը 25%-ից բարձրացնում է մինչև 50%, որոշումն ուժի մեջ կմտնի 2025 թվականի հունիսի 4-ից։
Մեծ Բրիտանիայից պողպատի և ալյումինի ներմուծման մաքսատուրքերը կմնան նույնը՝ 25%, հնարավոր փոփոխություններով կամ քվոտաներով՝ սկսած 2025 թվականի հուլիսի 9-ից, կախված ԱՄՆ-Մեծ Բրիտանիա տնտեսական բարգավաճման համաձայնագրի կարգավիճակից։
Սպիտակ տունը նշում է նաև, որ նախագահ Թրամփը միջոցներ է ձեռնարկում պողպատի և ալյումինի անարդար առևտրային պրակտիկան և գլոբալ դեմփինգը դադարեցնելու համար։
Ըստ The New York Times-ի՝ պողպատի և ալյումինի մաքսատուրքերի բարձրացումը վրդովեցրել է ԱՄՆ-ի մերձավոր դաշնակիցներին, այդ թվում՝ Կանադային ու եվրոպական երկրներին: Այն նաև անհանգստացնում է ավտոմեքենաների և ինքնաթիռների արտադրողներին, շինարարական ընկերություններին և նավթ արտադրողներին։
Միացյալ Նահանգներ ներմուծվող պողպատի և ալյումինի 25% մաքսատուրքերը գործում էին մարտից։
Թարգմանությունը՝ Էմմա Չոբանյանի
