05.06.2026 | 13:44
«Հայաստան» դաշինքն ամփոփում է քարոզարշավը. ՈՒՂԻՂ
Մենք որոշ անհանգստություններ ունենք․ Կոստանյանը՝ քաղաքապետարանում ձերբակալությունների մասին․ ՏԵՍԱՆՅՈՒԹ
Հասարակություն
03.06.2025 | 12:22
«Երևանի քաղաքապետարանի դիրքորոշումը հետևյալն է, որ ցանկացած կոռուպցիոն դրսևորում իր արժանի պատասխանը պետք է ունենա ու կապ չունի, թե դա ինչ պաշտոնյայի կողմից է արվում։ Այս մասով մենք որոշ անհանգստություններ ունենք»,- այսօր լրագրողների հետ ասուլիսում, անդրադառնալով վերջին շրջանում Երևանի քաղաքապետարանում տեղի ունեցած ձերբակալություններին, ասաց Երևանի քաղաքապետի մամուլի խոսնակ Հայկ Կոստանյանը։
Նրա խոսքով՝ որոշ դեպքերի մասով իրավապահ կառույցների հետ համակարծիք են, որոշ դեպքեր քաղաքապետարանի համար խնդրահարույց են։
«Շատերի համար տպավորություն կստեղծվի, որ շաբաթը մեկ Երևանի քաղաքապետարանում ձերբակալություններ են լինում, տարբեր պաշտոնյաններ են ձերբակալվում, դրանց մեջ կան և՛ ներկայիս գործող պաշտոնյաններ, և՛ նախկին պաշտոնյաններ։ Հիմա եթե նույն օպերատիվ-հետախուզական միջոցառումներն այն պարբերությամբ, որ վերջին շրջանում եղել են Երևանի քաղաքապետարանում, լինեն այլ կառույցներում, ես չեմ կարծում, որ օրինակ, դուք նոր վերնագրեր գրելու նյութեր չեք ունենա։ Մենք ուրախ կլինենք, որպեսզի այն օպերատիվ-հետախուզական միջոցառումները, որ ինտենսիվ քաղաքապետարանի շուրջ են տեղի ունենում, տեսնենք նաև այլ կառույցներում»,- ասաց Կոստանյանը։
Մանրամասները՝ տեսանյութում։
Անի Թամրազյան
