10.12.2025 | 22:42
Համբարձում Մաթևոսյանը ՄԹ բնության նախարարին է ներկայացրել COP17-ի տարբերանշանն ու կարգախոսը
Ուկրաինան հրապարակել է վերջին օրերին ոչնչացված ռուսական ինքնաթիռների պաշտոնական թիվը
Քաղաքականություն
03.06.2025 | 12:53
Ուկրաինայի Զինված ուժերի Գլխավոր շտաբը հունիսի 3-ի առավոտյան հրապարակել է հակառակորդի կորուստների վերաբերյալ թարմացված տվյալներ՝ մայիսի 24-ից հունիսի 3-ն ընկած ժամանակահատվածի համար։ Ըստ ուկրաինական կողմի՝ ռուսական բանակը կորցրել է 12 ինքնաթիռ:
Սա Ուկրաինայի զինված ուժերի գլխավոր շտաբի առաջին թարմացումն է ռուսական ռազմական տեխնիկայի ոչնչացման վերաբերյալ հունիսի 1-ից ի վեր, երբ ուկրաինական անօդաչու թռչող սարքերը «Սարդոստայն» գործողության շրջանակում գրոհել էին Իրկուտսկի և Մուրմանսկի մարզերի օդանավակայանները։
Հավելենք, որ Ուկրաինայի Անվտանգության ծառայությունը հայտնել էր, որ Ռուսաստանի չորս ռազմական օդանավակայաններում ուկրաինական անօդաչու թռչող սարքերի հարվածների հետևանքով վնասվել է 41 ինքնաթիռ, այդ թվում՝ А-50, Ту-95, Ту-22 М3 և Ту-160։ Վերլուծաբաններն էլ հաշվել էին առնվազն 13 վնասված ռուսական ռազմավարական ավիացիոն ինքնաթիռ՝ հիմնվելով արբանյակային պատկերների և տեսանյութերի վրա։
Հունիսի 1-ին Ուկրաինայի անվտանգության «Սարդոստայն» գործողության շրջանակում FPV անօդաչու թռչող սարքերը գրոհել էին ՌԴ Ռյազանի մարզի «Դյագիլևո», Մուրմանսկի մարզի «Օլենյա», Իրկուտսկի մարզի «Բելայա» և Իվանովոյի մարզի «Իվանովո» ռազմական օդանավակայանները։ Անօդաչու թռչող սարքերն արձակվել են ավիաբազաների մոտ գտնվող մայրուղում կայանված բեռնատարներից։
Թարգմանությունը՝ Էմմա Չոբանյանի
