23.04.2026 | 23:33
Մահացել է Արցախի հերոս Ռոբերտ Աբաջյանի մայրը
Լոռու մարզպետ Արամ Ղազարյանը հրաժարական է տալիս պաշտոնից և դադարեցնում քաղաքական ու կուսակցական գործունեությունը
Քաղաքականություն
02.06.2025 | 15:20
Լոռու մարզպետ Արամ Ղազարյանը գրառմամբ տեղեկացրել է, որ հրաժարական է տալիս պաշտոնից և դադարեցնում քաղաքական ու կուսակցական գործունեությունը։
«Լոռու մարզի սիրելի՛ բնակիչներ,
սիրելի՛ հայրենակիցներ,
Տեղեկացնում եմ, որ հրաժարական եմ տալիս Լոռու մարզպետի պաշտոնից և դադարեցնում եմ իմ քաղաքական և կուսակցական գործունեությունը։ Այս որոշումը պայմանավորված է այլ աշխատանքի անցնելու հանգամանքով, որի վերաբերյալ պատշաճ կարգով և սահմանված ժամկետներում հանդես կգան իրավասու մարմինները։
Հատուկ երախտագիտություն եմ ուզում հայտնել ՀՀ վարչապետին՝ վստահության և այն մեծ պատվի համար, որ հնարավորություն տվեց ծառայելու իմ հարզատ Լոռու մարզին՝ որպես մարզպետ։
Խորին շնորհակալություն եմ հայտնում Լոռու մարզի իմ սիրելի բնակիչներին՝ վստահության և աջակցության համար, մարզպետի աշխատակազմին և համայնքապետերին՝ համատեղ աշխատանքի և նվիրվածության համար, իմ գործընկեր մարզպետներին, ինչպես նաև Տարածքային կառավարման և ենթակառուցվածքների նախարարին ու նրա տեղակալներին՝ գործընկերային և արդյունավետ համագործակցության համար։
Անհատական շնորհակալություն եմ հայտնում գործադիր և օրենսդիր իշխանության իմ գործընկերներին՝ շարունակական աջակցության և կառուցողական փոխհարաբերությունների համար, ինչպես նաև մեր կուսակից ընկերներին՝ միասնական աշխատանքի և գաղափարական համախմբվածության համար»,- գրել է Ղազարյանը։
Նշենք, որ Armlur.am-ի տեղեկություններով՝ նա նշանակվելու է ՀՀ ոստիկանապետ։
Հավելենք, որ Արամ Ղազարյանը մինչ մարզպետ նշանակվելը շուրջ 20 տարի ոստիկանական համակարգում է աշխատել։
Factor TV-ին տեղեկացրել էր, որ վարչապետի որոշմամբ Արամ Հովհաննիսյանն ազատվել է ոստիկանապետի ապաշտոնից։
