24.06.2026 | 22:24
Հայաստանի դիվանագիտական ծառայության ներկայացուցիչների մոտ կեսը կանայք են. ԱԳՆ
«Ոսկե գմբեթ»-ը պատրաստ չի լինի մինչև Թրամփի նախագահության ավարտը․ The Guardian
31.05.2025 | 11:33
Ամերիկյան «Ոսկե գմբեթ» հակահրթիռային պաշտպանության համակարգի նախագիծը չի իրականացվի մինչև Դոնալդ Թրամփի նախագահական ժամկետի ավարտը: Ինչպես հաղորդում է The Guardian-ը՝ հղում անելով իր աղբյուրներին, 2028 թվականին այն պատրաստ կլինի միայն ցուցադրության, մինչդեռ ամերիկացի առաջնորդը վստահեցրել էր, որ 2028-ին այն լիարժեք կգործի։
Հրապարակման աղբյուրների համաձայն, որպես առաջին փուլ, Պենտագոնը մտադիր է կենտրոնանալ «տվյալների համակարգերի ինտեգրման» վրա, ապա մշակել տիեզերական զենքը: Նշվում է, որ Միացյալ Նահանգները կկարողանա ստեղծել գործող համակարգի հիմք առաջիկա մեկուկես տարվա ընթացքում, որը կարող է հետևել հարյուրավոր հրթիռների թռիչքին, երբ դրանք մոտենան Միացյալ Նահանգներին, սակայն որ դրանց ոչնչացմանը:
Պաշտպանության նախարարության աղբյուրները նույնպես նշում են, որ Թրամփի ժամկետի ավարտին գերատեսչությունը կկարողանա ունենալ միայն տիեզերական սենսորների և կապի սարքավորումների ցանցը և կփորձի այն ինտեգրել տիեզերական զենքի հետ:
Հիշեցնենք, որ օրեր առաջ ԱՄՆ նախագահ Դոնալդ Թրամփը հայտարարել էր, որ ընտրել է 175 միլիարդ դոլար արժողությամբ «Ոսկե գմբեթ» հակահրթիռային պաշտպանության վահանի նախագիծը և նշանակել Տիեզերական ուժերի գեներալի՝ Չինաստանից և Ռուսաստանից եկող սպառնալիքները կանխելու հավակնոտ ծրագիրը ղեկավարելու համար։
Ապա Սպիտակ տան ղեկավարը Truth Social սոցցանցի իր էջում գրել էր․ «Ես Կանադային, որը շատ է ցանկանում դառնալ մեր հիասքանչ «Ոսկե գմբեթ» համակարգի մի մասը, ասել եմ, որ դա նրա վրա 61 մլրդ դոլար կնստի, եթե նրանք մնան առանձին, բայց անհավասար ազգ։ Սակայն արժեքը զրո դոլար կկազմի, եթե նրանք դառնան բաղձալի 51-րդ նահանգը»։
Թարգմանությունը՝ Անահիտ Խաչատրյանի
