11.04.2026 | 12:34
Ոստիկանության «Հոնդա» ավտոբուսի և «Նիսան»-ի վթարից բուժօգնության դիմած 12 անձինք դուրս են գրվել ԲԿ-ից․ ԱՆ խոսնակ
Հանրային կոնսենսուսը կաղում է, երկար ճանապարհ պիտի անցնենք. Քոչարյանը` «բանակից փողով ազատվելու» մասին․ ՏԵՍԱՆՅՈՒԹ
Հասարակություն
29.05.2025 | 18:21
«Այս նախագիծը փողով բանակից ազատվելու մասին չի, այլ մեր երկրի պաշտպանունակության ու անվտանգության»,- այս մասին ԱԺ-ում լրագրողների հետ ճեպազրույցում ասաց Պաշտպանության և անվտանգության մշտական հարցերի հանձնաժողովի նախագահ Անդրանիկ Քոչարյանը` ՊՆ նախարար Սուրեն Պապիկյանի մասնակցությամբ փակ նիստից, որտեղ քննարկվել է ՔՊ պատգամավոր Հայկ Սարգսյանի հեղինակած նախագիծը:
«Եթե հեղինակը հետ չքաշի նախագիծը, ապա ամսի 9-ին կլինի հանձնաժողովի նիստ, դուք ավելի տեղեկացված կլինեք, թե ինչ ենք քննարկել։ Ես կարծում եմ՝ հանրային լայն կոնսենսուսի պարագայում նման նախագծերը կարող են կյանքի կոչվել, քանի դեռ այդ կոնսենսուսը կաղում է կամ բացակայում է՝ ուրեմն պետք է քննարկումների երկար ճանապարհ անցնենք», – նշեց նա:
Հիշեցնենք՝ ՔՊ պատգամավոր Հայկ Սարգսյանի հեղինակած նախագծով առաջարկվում է, որ զինակոչիկը կարող է վճարել 18 մլն դրամ և ծառայել 4 ամիս, կամ վճարել 24 մլն դրամ և ծառայել 1 ամիս։ Նշենք, որ ԱԺ պաշտպանության հանձնաժողովը հետաձգել է այդ նախագծի քննարկումը։
Մանրամասները` տեսանյութում:
