18.02.2026 | 12:52
Զելենսկին պատժամիջոցներ է սահմանել Լուկաշենկոյի նկատմամբ
Թրամփը դիտարկում է այս շաբաթ ՌԴ-ի դեմ նոր պատժամիջոցներ սահմանելու հնարավորությունը․ WSJ
Քաղաքականություն
27.05.2025 | 11:35
ԱՄՆ նախագահ Դոնալդ Թրամփը դիտարկում է այս շաբաթ Ռուսաստանի նկատմամբ պատժամիջոցներ սահմանելու հնարավորությունը, քանի որ նա ավելի շատ է դժգոհ Ուկրաինայի վրա Ռուսաստանի հարձակումներից։ Այս մասին հաղորդում է Wall Street Journal-ը՝ հղում անելով իր աղբյուրներին, փոխանցում է BBC-ի ռուսական ծառայությունը։
Լրատվամիջոցի զրուցակիցներից մեկի խոսքով՝ սահմանափակումները, եթե դրանք մտցվեն, չեն ներառի բանկային ոլորտը, սակայն քննարկվում են այլ տարբերակներ Ռուսաստանի առաջնորդ Վլադիմիր Պուտինիի վրա ճնշում գործադրելու համար՝ բանակցությունների սեղանի շուրջ զիջումների գնալու, այդ թվում՝ 30-օրյա հրադադարի համաձայնության հասնելու համար, որը Ռուսաստանը հետևողականորեն մերժում է։
WSJ-ն գրում է, որ «Թրամփը հոգնել է խաղաղ կարգավորման փորձերից» և մտածում է հրաժարվելու մասին, եթե իր ջանքերը արդյունք չտան։ Միաժամանակ, դեռևս պարզ չէ, թե ինչ կլինի, եթե ԱՄՆ-ը դուրս գա բանակցային գործընթացից, և արդյո՞ք Թրամփը կշարունակի Կիևին ռազմական աջակցություն ցուցաբերել։
«Նախագահ Թրամփը հստակեցրել է, որ ցանկանում է տեսնել խաղաղության համաձայնագիր՝ ձեռք բերված բանակցությունների միջոցով»,- WSJ-ին տված մեկնաբանությունում նշել է Սպիտակ տան մամուլի քարտուղար Քերոլայն Լևիթը։
New York Times-ը ևս գրել է բանակցություններից Վաշինգտոնի հնարավոր դուրս գալու մասին, սակայն լրատվամիջոցի աղբյուրները նշել են՝ Թրամփը եվրոպացի առաջնորդներին հստակեցրել է, որ մտադիր չէ մեծացնել պատժամիջոցների ճնշումը Մոսկվայի նկատմամբ։
Հիշեցնենք, որ Դոնալդ Թրամփը, մեկնաբանելով մայիսի 25-ին Ուկրաինայի վրա Ռուսաստանի զանգվածային հարվածը, ասել էր, որ դժգոհ է ՌԴ նախագահ Վլադիմիր Պուտինի գործողություններից՝ նշելով, թե նա «խելագարվել է»։ Լրագրողների հետ զրույցում էլ Թրամփն ասել էր, որ քննարկում է Ռուսաստանի դեմ պատժամիջոցների խստացման հնարավորությունը։
Թարգմանությունը՝ Էմմա Չոբանյանի
