29.04.2026 | 20:13
Բեռնատարը դուրս է եկել ճանապարհի երթևեկելի հատվածից և կողաշրջվել
«Доля воровская»` պարեկի մեքենայում․ ՆԳՆ-ի պարզաբանումը
26.05.2025 | 12:34
Համացանցում տարածվել է մի տեսանյութ, որում լսելի է, թե ինչպես է ոստիկանության պարեկային ծառայության մեքենայում հնչում քրեական ենթամշակույթի հետ ասոցացվող «Доля воровская» երգը։ Մեքենան կայանած է, որևէ մեկը չկա սրահում, դռները բաց են և նկատելի է, որ տարածքում միայն տեսանյութի հեղինակն է։
Factor TV-ն ՆԳՆ ոստիկանության լրատվական ծառայությունից փորձեց պարզաբանում ստանալ տեսանյութի վերաբերյալ, ինչին ի պատասխան հայտնեցին․
«Տեսանյութը տեսանկարահանել է ավտոլվացման կետի աշխատակիցը և հրապարակել է Tiktok հարթակում։ Նա հայտնաբերվել է, ինչից հետո հեռացրել է տեսանյութը։
Կոչ ենք անում չմանիպուլացնել և արարքը չվերագրել Ոստիկանության ծառայողներին»։
ՆԳՆ-ից նաև հետաքրքրվեցինք, արդյոք նման դեպքում վտանգ չկա, որ կողմնակի անձը կարող է մեքենայում առկա պլանշետով մուտք գործել տվյալների շտեմարան։ Պարզաբանեցին, որ պլանշետին, բացի ոստիկանից, որևէ մեկը հասանելիություն չունի։
Նշենք, որ ոստիկանության ծառայողական ավտոմեքենաները պատահական ավտոլվացման կետերում չեն սպասարկում, այս ծառայության համար հայտարարվում է մրցույթ։
