08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ՌԴ-ն 100-ից ավելի ԱԹՍ-ներով գրոհել է Ուկրաինան. Խերսոնում ավտոբուս է հարձակման ենթարկվել
Քաղաքականություն
20.05.2025 | 15:09
Ռուսական բանակը անօդաչու թռչող սարքերով հարվածներ է հասցրել Ուկրաինայի տարածքին։ Դնեպրոպետրովսկի և Սումիի մարզերում հրդեհներ են բռնկվել, որոնց հետևանքով վնասվել է մեկ ձեռնարկություն և մեկ ֆերմա։ Խերսոնում մարդիկ են տուժել, հայտնում են տեղական իշխանությունները, գրում է Current time-ը:
Հաղորդվում է, որ Խերսոնում հարձակման է ենթարկվել ուղևորատար ավտսբուս։ «Суспiльне»-ն նշում է, որ ուղևորներից մեկը՝ ծնված 1960 թվականին, ստացել է ականի պայթյունի վնասվածք և ուղեղի ցնցում։ Բժիշկները նրան օգնություն են ցուցաբերում։ 56-ամյա մի տղամարդ նույնպես վնասվածքներ և ուղեղի ցնցում է ստացել։
Ուկրաինայի դատախազությունը հայտնում է, որ Խերսոնում առավոտյան ռուսական հարձակումների հետևանքով, ընդհանուր առմամբ, տասը մարդ է վիրավորվել։ Ռուսական անօդաչու թռչող սարքերի բարձր ակտիվության պատճառով հասարակական տրանսպորտի երթուղիները ժամանակավորապես կրճատվել են։
Գիշերը ռուսական բանակը 108 անօդաչու թռչող սարք է արձակել Ուկրաինայի ուղղությամբ, հայտնում են երկրի ռազմաօդային ուժերը։
«Երկրի արևելքում, հյուսիսում և կենտրոնում չեզոքացվել է թշնամական 93 «Շահեդ» անօդաչու թռչող սարք: 35-ը խփվել է կրակային զենքերով, 58-ը՝ կորել/ճնշվել ռադիոէլեկտրոնային միջոցներով (առանց բացասական հետևանքների): Հակառակորդի հարձակման հետևանքով տուժել են Դոնեցկի, Դնեպրոպետրովսկի, Սումիի և Ժիտոմիրի մարզերը»,- ասվում է հաղորդագրության մեջ։
Թարգմանությունը՝ Էմմա Չոբանյանի
