08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Արջի թարմ հետքեր՝ «Արփի լիճ» ազգային պարկի տարածքում․ ՇՄՆ-ն տեղի բնակիչներին հորդորում է զգոն լինել
19.05.2025 | 17:54
«Արփի լիճ» ազգային պարկի տարածքում հայտնաբերվել են արջի թարմ հետքեր․ տեղեկացնում են ՇՄՆ-ից։
«Սա միաժամանակ զգուշացման և ուրախալի փաստի ազդանշան է։ Զգուշացման, քանի որ վայրի կենդանու առկայությունը պահանջում է զգոնություն։ Ուրախալի, որովհետև արջի վերադարձը վկայում է տարածքի էկոհամակարգի վերականգնման ու առողջության մասին։
Խնդրում ենք զբոսաշրջիկներին և տեղի բնակիչներին՝
– Լինել առավել զգոն՝ հատկապես մուտք գործելիս անտառային կամ բարձրադիր տարածքներ,
– Չթողնել ընտանի կենդանիներին առանց հովիվի կամ վերահսկողության,
– Խուսափել միայնակ շրջելուց վաղ առավոտյան կամ ուշ երեկոյան ժամերին։
Արջերը սովորաբար խուսափում են մարդկանցից, սակայն նախազգուշությունն ու պատասխանատու վարքագիծը կարևոր են բոլորիս անվտանգության համար»,- ասված է հաղորդագրությունում”
