18.02.2026 | 14:26
Արցախում ականի վրա ադրբեջանցի սակրավոր է պայթել
Ադրբեջանի ՊՆ ղեկավարը Թել Ավիվում է․ նա հանդիպել է Իսրայելի ՊՆ-ին
Քաղաքականություն
19.05.2025 | 18:33
Իսրայելի պաշտպանության նախարար Իսրայել Կացն այսօր Թել Ավիվում ընդունել է Ադրբեջանի ՊՆ ղեկավար Զաքիր Հասանովին՝ երկկողմ անվտանգության ոլորտում համագործակցությունն ամրապնդելու նպատակով։ Այս մասին ասվում է Իսրայելի ՊՆ-ի հաղորդագրությունում, գրում է The Times of Israel-ը։
Հանդիպման ընթացքում Կացը բարձր է գնահատել երկու երկրների միջև խորը ռազմավարական դաշինքը՝ նշելով ընդհանուր շահերը և փոխադարձ վստահությունը։ Նա շնորհակալություն է հայտնել Հասանովին ՀԱՄԱՍ-ի կողմից հոկտեմբերի 7-ի հարձակումից հետո Ադրբեջանի աջակցության, Իսրայելի և Թուրքիայի միջև միջնորդելու ջանքերի համար։ Կացը նաև ընդգծել է Ադրբեջանի՝ «Եվրատեսիլ» մրցույթում քվեարկության արդյունքները, որոնց արդյունքում Իսրայելը ստացել է առավելագույն միավորներ, դրանք անվանելով երկու կառավարությունների և ժողովուրդների միջև բարեկամության իսկական նշան։
Հայտարարության համաձայն՝ երկու կողմերը համաձայնության են եկել ընդլայնել պաշտպանական համագործակցությունը։
Լրատվամիջոցը գրում է, որ Ադրբեջանի հետ անվտանգության կապերը համարվում են Իսրայելի համար ռազմավարական՝ հաշվի առնելով Կասպյան երկրի մերձ լինելը Իրանին։
Հիշեցնենք, որ մայիսի սկզբին Իսրայելի վարչապետ Բենիամին Նեթանյահուն պատրաստվում էր այցելել Ադրբեջան, սակայն այցը չեղարկվել է, քանի որ Թուրքիան արգելել է օգտագործել իր օդային տարածքը։
Թարգմանությունը՝ Էմմա Չոբանյանի
