26.06.2026 | 04:58
ԱԱ-2026. Նիդերլանդներն ու Ճապոնիան դուրս եկան փլեյ-օֆֆ. ՏԵՍԱՆՅՈՒԹ
Վլադիմիր Զելենսկին նամակ է ուղարկել Դոնալդ Թրամփին
Քաղաքականություն
18.05.2025 | 22:04
Ուկրաինայի նախագահ Վլադիմիր Զելենսկին նամակ է ուղարկել իր ամերիկացի գործընկերոջը՝ պաշտպանական-արդյունաբերական և առևտրային ոլորտներում համագործակցության նոր առաջարկներով։ Այս մասին հայտնել է նախագահի աշխատակազմը։
Նշվում է, որ ուկրաինացի քաղաքական գործիչը նամակը պատրաստել է Հռոմում՝ ԱՄՆ փոխնախագահ Ջ.Դ. Վենսի և պետքարտուղար Մարկո Ռուբիոյի հետ հանդիպումից հետո։
«Հատուկ ուշադրություն է դարձվում Ուկրաինայի և Միացյալ Նահանգների միջև տնտեսական գործընկերության մասին համաձայնագրի իրականացմանը», – ասվում է մամուլի հաղորդագրության մեջ։
Հիշեցնենք՝ ապրիլի 30-ին ԱՄՆ-ն և Ուկրաինան ստորագրել են հանքային պաշարների վերաբերյալ համաձայնագիրը։ Փաստաթուղթը նախատեսում է արդյունահանող արդյունաբերության ոլորտում համատեղ նախագծերի համար ներդրումային հիմնադրամի ստեղծում. նախատեսվում է զարգացնել և շահագործել Ուկրաինայի նավթի, գազի և այլ կարևոր ռեսուրսների հանքավայրերը։
Հիմնադրամը կկառավարվի հավասարության սկզբունքով։ Կիևը պահպանում է ընդերքի նկատմամբ վերահսկողությունը, իսկ նոր լիցենզիաներից ստացված եկամուտը կօգտագործվի երկիրը վերականգնելու համար։ Գործարքը Թրամփի նախաձեռնությամբ 2025 թվականի փետրվարին սկսված դժվարին բանակցությունների արդյունք էր։
