23.04.2026 | 19:01
Մանուկ Ադամյանը որոնվում է որպես անհայտ կորած
Ստամբուլում մեկնարկել է ՌԴ-Ուկրաինա հանդիպումը․ ռուսական կողմը մինչ այդ հանդիպել է ԱՄՆ ներկայացուցիչներին
Քաղաքականություն
16.05.2025 | 14:44
Ստամբուլում ընթանում է Ուկրաինայի և Ռուսաստանի պատվիրակությունների հանդիպումը։ Այս մասին հայտնում է Sky news-ը։
Ռուսական լրատվամիջոցները գրել էին, որ Վլադիմիր Մենդինսկիի գլխավորած ռուսական պատվիրակությունը նոր է ժամանել Ստամբուլի Դոլմաբահչե պալատում գտնվող հանդիպման վայր։
Այսօր ավելի վաղ այստեղ տեղի էր ունեցել ԱՄՆ-Թուրքիա-Ուկրաինա եռակողմ հանդիպումը։
Միջազգային և ռուսական լրատվամիջոցները նաև հայտնում են, որ Ուկրաինայի հետ բանակցություններում Ռուսաստանի պատվիրակության ղեկավար Վլադիմիր Մեդինսկին ռուս-ուկրաինական ուղիղ բանակցությունների մեկնարկից առաջ հանդիպել է ԱՄՆ ներկայացուցչի հետ։ Նշվում է, որ Մեդինսկին հանդիպել է ԱՄՆ պետքարտուղար Մարկո Ռուբիոյի ավագ օգնական Մայքլ Անտոնին։
Sky News-ին էլ ուկրաինական դիվանագիտական աղբյուրը հայտնել է, որ Ռուսաստանը «խաթարում է խաղաղության ջանքերը»՝ պահանջելով Ուկրաինայի հետ դեմ առ դեմ բանակցություններ՝ առանց Թուրքիայի և ԱՄՆ-ի ներկայության։
Թարգմանությունը՝ Էմմա Չոբանյանի
