06.12.2025 | 13:05
Նարեկ Մկրտչյանը մասնակցել է The AI Economy and the Future of Work պանելային քննարկմանը
«Վիրավորում է աշակերտներին, քաոս է ստեղծում». Մերձավանի դպրոցի դասադուլավորները՝ պատմության ուսուցչուհու մասին
Հասարակություն
13.05.2025 | 13:18
Այսօր վաղ առավոտից Մերձավան համայնքի միջնակարգ դպրոցում դասադուլ է: Ուսուցիչները, ծնողներն ու աշակերտները դժգոհում են նույն դպրոցի պատմության ուսուցչուհի Ռոզա Դավթյանից։
Նրանց պնդմամբ՝ Դավթյանն արդեն 6 ամիս դասավանդում է դպրոցում և ուսուցչին ոչ հարիր վարք է դրսևորում, վիրավորում է աշակերտներին, ուսուցչական կազմին, ոչ պատշաճ կերպով է արտահայտվում արցախցիների մասին:
Դասադուլավորների խոսքով՝ Ռոզա Դավթյանը քաոսի է վերածել դպրոցի բնականոն աշխատանքը: Ինքը՝ Դավթյանը, նշում է, որ դպրոցի ամբողջ անձնակազմը, ծնողների ու աշակերտների հետ միասին, դուրս են եկել իր դեմ և կազմակերպված կերպով ցանկանում են ազատվել իրենից: Խնդրի հետ կապված Factor TV-ն դիմել է Արմավիրի մարզպետարան, մեկնաբանությունը կներկայացնենք ստանալուն պես:
Աննա Բաբաջանյան
