02.10.2026 | 11:15
Ադրբեջանը սպասում է ՀՀ Սահմանադրության փոփոխություններին, որից հետո խաղաղության համաձայնագիրն իրականություն կդառնա․ Հաջիև
Կալանքներն օգտագործվում են անհամաչափ, չարաշահվում է այդ ինստիտուտը․ Արսեն Թորոսյան․ ՏԵՍԱՆՅՈՒԹ
Հասարակություն
13.05.2025 | 13:08
Մի քանի օր առաջ ձերբակալվել է մի բժիշկ, որը, ըստ մամուլի հրապարակումների, մեղադրվում է ապօրինի վարձատրություն ստանալու մեջ։ ԱԺ նիստում այս մասին ասաց ՔՊ-ական պատգամավոր Արսեն Թորոսյանը։
«Ըստ մամուլի՝ բժիշկը վերցրել է 270,000 դրամ աղիք կարելու գործիքի համար, որը չի մտնում պետական պատվերի գումարի մեջ։ Դուք հայցել եք կալանք, բժիշկը կալանավորվել է 2 ամսով, հետաքրքիր է, թե ինչո՞ւ եք հայցել կալանք»,- դիմելով Հակակոռուպցիոն կոմիտեի նախագահ Արթուր Նահապետյանին՝ հարց ուղղեց Թորոսյանը։
Պատգամավորը նաև հավելեց, որ բժշկի հանցանքը ՀԴՄ չտպելու մեջ է։
Նահապետյանը պատասխանեց, որ այդ գործով դեռևս նախաքննություն է ընթանում, սակայն ունեն հանցանքի մասին հաղորդում ներկայացրած անձ, որը նշված հաղորդմամբ հայտնել է, որ բժիշկն իրենից հայցել է ապօրինի վարձատրություն՝ վիրահատության դիմաց։
Արսեն Թորոսյանը կարծիք հայտնեց, որ կալանքներն օգտագործվում են անհամաչափ և չարաշահվում է այս ինստիտուտը։
Մանրամասները՝ տեսանյութում։
