20.03.2026 | 18:03
Կողմ և դեմ․ Հայկական ակումբների դիրքորոշումը լեգեոնականների լիմիտի խստացման շուրջ
ՔՆՆԱՐԿՈւՄ․ Կառավարությունը ձախողե՞լ է Դատաիրավական բարեփոխումների ռազմավարության կատարումը
Հասարակություն
12.05.2025 | 21:00
2022-2026 թվականների Դատաիրավական բարեփոխումների ռազմավարության ամբողջական իրականացման ժամկետի ավարտին մնացել է մեկ տարի, սակայն ռազմավարական ոչ բոլոր նպատակներն են իրագործվել։ Օրինակ՝ անցումային արդարադատությունը ներառված էր նաև 2019-2023 թվականների ռազմավարությունում, որը, սակայն, ճանաչվել է ուժը կորցրած։ Անցումային արդարադատության հանձնաժողով չստեղծվեց ո՛չ նախորդ, ո՛չ էլ գործող ռազմավարության շրջանակում։
Անկատար է նաև Սահմանադրության նոր նախագծի մշակման խոստումը, չնայած դեռ 2023-ի ամռանը բարեփոխումների խորհուրդը և մասնագիտական հանձնաժողովը պետք է պատրաստած և հրապարակած լինեին Սահմանադրության նոր նախագիծը, իսկ Սահմանադրական բարեփոխումների հանձնաժողովն այս պահին անգործության է մատնված։
Դատավորների բարեվարքությունը ստուգելու նպատակով պետք է ստեղծված լիներ պարբերական գնահատման համակարգ, սահմանված լինեին բարեվարքության ստուգման չափանիշներ, ինչպես նաև՝ ներդրվեր հասարակական վերահսկողության համակարգ։
ՀՀ վարչապետն ասում է՝ դատավորների 60%-ը փոխվել է, բայց արդյո՞ք բարեվարքության հանրային վստահելի մեխանիզմ ներդրված է։ Արդյո՞ք ԲԴԽ-ն պետք է լիներ այդ մարմինը։
Այսօր Factor TV-ի տաղավարում քննարկում ենք հրավիրել՝ հասկանալու, թե ինչքանով է իրագործվել 12 ռազմավարական ուղղություն նախանշած ռազմավարությունը, և ինչ խնդիրներ են առկա։
Քննարկման մասնակիցներն են՝ Արաքս Մելքոնյանը՝ «Իրավունքների պաշտպանություն առանց սահմանների» ՀԿ նախագահ, Արթուր Սաքունցը՝ ՀՔԱՎ գրասենյակի նախագահ, Միհրան Բուլղադարյանը՝ ԹԻՀԿ իրավաբան, Դավիթ Գյուրջյանը՝ Իրավունքի զարգացման և պաշտպանության hիմնադրամի իրավական հարցերով փորձագետ, Արա Ղարագյոզյանը՝ «Հելսինկյան ասոցիացիայի» փաստաբան։
Քննարկումը կազմակերպվել է «Արդարացի դատաիրավական բարեփոխումներ» ծրագրի շրջանակում, որն իրականացվում է Ժողովրդավարության զարգացման հիմնադրամի առաջնորդությամբ ձևավորված Կոնսորցիումի կողմից, որի անդամներն են՝ Հանրային լրագրության ակումբը, Հելսինկյան քաղաքացիական ասամբլեայի Վանաձորի գրասենյակը և «Իրավունքների պաշտպանություն առանց սահմանների» ՀԿ-ն։
Հաղորդումն ամբողջությամբ՝ տեսանյութում։
Ռոբերտ Անանյան
